Իրանի ԶՈւ ԳՇ–ն հերքում է Իրանի նախկին նախագահ Էբրահիմ Ռայիսիի ուղղաթիռի կործանման պատճառների մասին Fars գործակալության հայտարարությունները։ Այս մասին տեղեկանում ենք Mehr-ից։
Ավելի վաղ իրանական Fars գործակալությունը, հղում կատարելով երկրի պետական անվտանգության մարմիններում իր աղբյուրին, փոխանցել էր, որ Ռայիսիի ուղղաթիռը կործանման օրը սահմանված կանոնակարգից 2 ուղևոր ավելի էր տեղափոխում։ Գործակալությունը հայտնել էր նաև, որ ուղղաթիռը կործանվել էր եղանակային անբարենպաստ պայմանների պատճառով. օդաչուն չի կարողացել հավաքել անհրաժեշտ բարձրությունը, և ուղղաթիռը մխրճվել է լեռների մեջ։
«ԶՈւ Գլխավոր շտաբի հաղորդակցման կենտրոնը հերքում է Էբրադիմ Ռայիսիի ուղղաթիռի կործանման պատճառների մասին հայտարարությունները... Այն, թե իբր Fars–ի լուրերում նշվում է, որ ուղղաթիռում երկու մարդ ավել է գտնվել, խախտելով անվտանգության կանոնները, և որ դա նշվում է որպես ուղղաթիռի կործանման պատճառներից մեկը... կեղծ է»,– ասվում է գործակալության հաղորդագրության մեջ։
Իրանի ԶՈւ ԳՇ–ն լրատվամիջոցներին հորդորել է զգույշ լինել անվտանգության և պաշտպանության ոլորտի լուրերի հետ կապված նյութերը հրապարակելիս, և նշել, որ ավելի վաղ իշխանություններն արդեն հայտնել են ուղղաթիռի կործանման պատճառները։
Հիշեցնենք` ուղղաթիռը, որով թռչում էին նախագահ Ռայիսին, արտաքին գործերի նախարար Հոսեյն Ամիր Աբդոլլահիանը և այլ պաշտոնատար անձինք, մայիսի 19-ին կործանվեց երկրի հյուսիս-արևմուտքում՝ Վերզեգան շրջանում:
Վթարի հետևանքով զոհվեց 8 մարդ, այդ թվում՝ Ռայիսին և Աբդոլլահիանը:
Առավել մանրամասն` այստեղ.
https://t.me/armenia24live
1
2
3
4
5
1
2
3
4
5
2
