Արտակարգ դեպք՝ Լոռու մարզում․ որդին հորն ասել է, որ նա ապրելու իրավունք չունի ու բազմաթիվ հարվածներ է հասցրել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


SHAMSHYAN.com-ի տեղեկություններով օգոստոսի 15-ին, արտակարգ դեպք է տեղի ունեցել Լոռու մարզում։ Ժամը 18։50-ի սահմաններում ՀՀ Ներքին գործերի նախարարության ոստիկանության Բազումի բաժնի անչափահասների գործերով բաժանմունքում օպերատիվ տեղեկություններ են ստացվել, որ «Եղշ» մականվամբ` Լոռու մարզի բնակիչ 28-ամյա Արեն Ծ․-ն «Ջունգլիներ» թաղամասում դանակով բազմաթիվ հարվածներ է հասցրել հորը` Լոռու մարզի բնակիչ 61-ամյա Վարուժ Ծ․-ին, ով ներկայումս գտնվում է այնտեղ:

Ինչպես հայտնում է ֆոտոլրագրող Գագիկ Շամշյանը, ոստիկանության Բազումի բաժին է հրավիրվել Վարուժան Ծ․-ն, որտեղ քրեական հետախուզության բաժանմունքի ծառայողների հետ ձեռնարկված միջոցառումների և տարված բացատրական աշխատանքների արդյունքում նա հայտարարել է, որ նույն օրը` ժամը 16։00-ի սահմաններում Չուխաջյան փողոցի 40 հասցեի մոտ որդին` Արեն Ծ․-ն, վիճաբանել է իր հետ, ասելով, որ «ինքը ապրելու իրավունք չունի, պիտի մեռնի» և իր մոտ գտնվող դանակով բազմաթիվ հարվածներ է հասցրել որովայնի և գլխի հատվածներին` պատճառելով մարմնական վնասվածքներ և արյունահոսելով թողնելով` հեռացել է:

Ոստիկանությունը ձեռնարկում է միջոցառումներ` Արեն Ծ․-ին և հանցագործության գործիք հանդիսացող դանակը հայտնաբերելու ուղղությամբ: Դեպքի փաստով ոստիկանության Բազումի բաժնում ձևակերպվել են փաստաթղթեր, որոնք փոխանցվել են ՀՀ Քննչական կոմիտեի Լոռու մարզային քննչական վարչություն:

Առավել մանրամասն` այստեղ.

https://t.me/armenia24live