Էդ ո՞ւմ քրոջն եք փախցնում. Էջմիածնում աղջկա առևանգումն ավարտվել է մեծ ծեծկռտուքով
Ուշադրության կենտրոնում
Ոստիկանության Վաղարշապատի բաժնի ծառայողները փետրվարի 22-ին, ժամը 20.30-ին, Թումանյան փողոցում ծառայություն իրականացնելու ժամանակ նկատել են ծեծկռտուք:
Ոստիկանության մամուլի ծառայությունից հայտնում են, որ ծեծկռտուքին միջամտելուց հետո ոստիկանները 22-ամյա Արման Բ.-ին պատկանող «Մերսեդես» մակնիշի ավտոմեքենայով բերման են ենթարկել 29-ամյա Մելիք Բ.-ին, 23-ամյա Արթուր Բ.-ին, 28-ամյա Արմեն Գ.-ին եւ 30-ամյա Սարգիս Հ.-ին:
Պարզվել է, որ նույն օրը, ժամը 19.00-ի սահմաններում, Էջմիածին քաղաքի Վազգեն Առաջինի փողոցից, Մելիք Բ.-ն, ամուսնության նպատակով, Արթուր եւ Արման Բ.-երի հետ միասին, նշված ավտոմեքենայով առեւանգել են 24-ամյա Արմինե Գ.-ին, որից հետո տվյալ հարցի շուրջ ծագած վիճաբանության ժամանակ, Արմեն Գ.-ն եւ Սարգիս Հ.-ն ծեծի են ենթարկել Մելիք, Արթուր եւ Արմեն Բ.-երին` մարմնի տարբեր մասերում պատճառելով վնասվածքներ:
Նախապատրաստված նյութերն ուղարկվել են Վաղարշապատի քննչական բաժին:
1
2
3
4
5
1
2
3
4
5
1
2
3
4
5
