Ինչու է Իսրայելը որոշել «քցել» Ադրբեջանին
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իսրայելական Kan պետական հեռուստա-ռադիոընկերությունը հաղորդում է, որ իսրայելական ռազմական գերատեսչությունը հրաման է տվել, որ իսրայելական բանակի այն զինվորականները, որոնք գտնվելով ծառայության մեջ, ինչ-ինչ պատճառներով ներկայումս Ադրբեջանում են կամ Վրաստանում, անհապաղ վերադառնան հայրենիք։ Դա իսրայելական կողմը բացատրում է Իրանից եկող սպառնալիքով։
Ռուս քաղաքագետ Ստանիսլավ Տարասովը կարծում է, որ այս հայտարարության մեջ երկու ինտրիգային դրվագ կա։ Առաջին, որ Ադրբեջանում եւ Վրաստանում կան իսրայելցի զինվորականներ, ովքեր կարող են կապ ունենալ այդ երկրներում գտնվող ինչ-ինչ ռազմական օբյեկտների հետ։ Եւ երկրորդ, Իրանը կարող է հարվածել այդ երկրներին՝ Իսրայելի հետ դիմակայության համատեքստում։ Ուշագրավ է այն, որ նախկինում նման կոչեր իսրայելական կողմից չէին հնչել։ Բաքուն արդեն հանդես է եկել հերքմամբ, հայտարարելով, որ Ադրբեջանի տարածքում որեւէ այլ երկրի զորակազմ չկա։ Այդ հերքումն, իհարկե, չի բացառում Բաքու-Թել-Ավիվ ռազմա-տեխնիկական գործակցությունը։ Իսրայելը շարունակում է մնալ Ադրբեջանի համար առանցքային ռազմական մատակարար։ Իսրայելն է, որ Ադրբեջանին հնարավորություն է տալիս ունենալ նորագույն ռազմական տեխնոլոգիաներ։ Սակայն միաժամանակ անհասկանալի է, թե ռազմա-տեխնիկական բարձր մակարդակ ունենալով հանդերձ Բաքվի հետ, Իսրայելը ինչու է որոշել «քցել» Ադրբեջանին հիմա, տարածելով հայտարարություն, որը կարող է պայթյունավտանգ իրավիճակ ստեղծել ողջ Հարավային Կովկասում։
Փորձագետները կածում են, որ իսրայելական կողմն, ըստ էության, «տրամադրություն է շոշափում»՝ նման պրովոկացիոն հայտարարություն տարածելով, հասկանալու համար, թե Բաքուն, ի վերջո, ինչ կեցվածք է որդեգրելու Գազայում իսրայելական ռազմական արշավի ժանաբակ, Թուրքիայի՝ ընդգծված բացասական կեցվածքի պայմաններում։ Տարասովն, օրինակ, կարծում է, որ Իսրայելը փորձում է Ադրբեջանին ներքաշել աշխարհաքաղաքական բեւեռների միջեւ ընթացող հակամարտության մեջ, մի բան, որ կարող է ապակայունացնող հետեւանք ունենալ Բաքվի համար։
1
2
3
4
5
1
2
3
4
5
2
