«100 հատ ավտո եմ շուռ տվել, էս էլ հերթականն ա»․ 27-ամյա վարորդը լինելով խմած, չունենալով վարորդական իրավունք, բախվել է «ԶԻԼ»-ին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Shamshyan.com-ը գրում է․ Այսօր՝ օգոստոսի 11-ին, խոշոր ավտովթար և դետեկտիվ ժանրի դեպք է տեղի ունեցել Երևանում։ Ժամը 05։40-ի սահմաններում Երևանի բնակիչ 27-ամյա Արտակ Ա․-ն իր վարած «Ford Focus» մակնիշի ավտոմեքենայով ՐաֆՖու փողոցում՝ Սուրբ Երրորդություն եկեղեցու դիմաց, բախվել է ճանապարհի թույլատրելի հատվածում կայանված «ԶԻԼ» մակնիշի գազատար ավտոմեքենային, ապա առաջ ընթացել և գլխիվայր շրջվել։

Ըստ նախնական տեղեկությունների, բարեբախտաբար տուժածներ չկան։ Վարորդը տեղում ենթարկվել է սթափության փորձաքննության, եղել է ոչ սթափ՝ խմածության ամենաբարձր աստիճանի։

Տեղում պարզվել է նաև, որ նա վարորդական իրավունքի վկայական չունի։

Վթարի փաստով ՊԾ Երևան քաղաքի գնդի 3-դր գումարտակում փաստաթղթեր ձևակերպվեցին, որից հետո պարեկները քաղաքացիների օգնությամբ դարձի բերեցին ավտոմեքենան, ու այդ ժամանակ վարորդը ավտոմեքենայի մեջից ինչ-որ բաներ է հանում և մոտենում է դեպքի վայր ժամանած մի աղջկա՝ հավանաբար գրպանի պարունակությունը նրան փոխանցելու, սակայն պարեկները նկատում են դա և նրա մոտից հայտնաբերում են կասկածելի փաթեթներ, որում առկա է լինում թմրանյութի նմանվող զանգված։

Ֆոտոլրագրողի տեղեկություններով՝ վարորդի հեռախոսի մեջ լինում են նաև տեղեկություններ, թե ինչ պետք է անի նա այդ կասկածելի փաթեթները, որոնք սև և կապույտ կպչուն ժապավենով էին փաթեթավորված։

Տեղում ապօրինի թմրամիջոց պահելու, օգտագործելու կասկածանքով վարորդը պարեկների կողմից բերման է ենթարկվում ոստիկանության Մալաթիայի բաժին, որտեղ նշված դեպքով փաստաթղթեր են ձևակերպվել և փոխանցվելու են ՀՀ Քննչական կոմիտեի Երևան քաղաքի քննչական վարչության Մալաթիայի քննչական բաժին։

Դեպքի վայրում վարորդը, որ հազիվ էր ոտքի վրա կանգնում, անընդհատ ժպտում ու ասում էր․ «100 հատ ավտո եմ շուռ տվել, էս էլ հերթականն ա»։

Պարեկային ծառայությունը պարզում է «ԶԻԼ» մակնիշի ավտոմեքենայի սեփականատիրոջ և վարորդի ինքնությունը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Առավել մանրամասն` այստեղ.

https://t.me/armenia24live