Փաշինյանը գնալու է Տավուշ. կիրանցեցիները նրան կհանդիպե՞ն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Կիրանցը հանձնեցին թշնամուն, հիմա էլ Սևքար գյուղում պատրաստվում են դիմավորել կապիտուլյանտին». այսպես նկարագրեց իրավիճակն Աճարկուտի ավագանու նախկին անդամ, դաշնակցական Կարեն Ղազարյանը։

MediaHub-ի զրուցակցի հավաստմամբ՝ Կիրանց գյուղից 5 կմ հեռավորության վրա գտնվող Սևքար գյուղում օգոստոսի 3-ին համերգային միջոցառումներ են նախատեսված, և տեղի բնակիչները սպասում են Նիկոլ Փաշինյանին։

«Այդ միջոցառումը տեղի է ունենալու, հավանաբար, օգոստոսի երեքին՝ պուրակ են վերանորոգել, այդ պուրակի բացումն է, ինչպես նաև Աճարկուտի շրջանցիկ ճանապարհի բացումն է: Մարդը գալիս ա, մարդիկ էլ դիմավորում են»,- նշեց մեր զրուցակիցը:

Հարցին ՝ արդյո՞ք Կիրանցի բնակիչները ցանկություն կհայտնեն հանդիպելու Փաշինյանին, Ղազարյանը նշեց. «Իմ տեղեկություններով՝ Նիկոլը Կիրանց էլ է գնալու, Կիրանցի նորակառույց ճանապարհի շահագործման բացման համար, բայց դժվար կիրանցեցիները ցանկություն հայտեն հանդիպել նրա հետ: Որքանով որ ես տեղյակ եմ, չեն հանդիպելու»։

Խոսելով բնակիչների` գյուղը լքելու մասին` մեր զրուցակիցն ասաց, որ այս պահին դեռ ոչ ոք չի հեռացել, բայց կան մարդիկ, ովքեր, ստեղծված դրությունից ելնելով, նման մտադրություն ունեն։

Եվ քանի որ մեկ ամսից մեկնարկում է ուսումնական տարին, հետաքրքրվեցինք նաև, թե ի՞նչ է փուլում է այս հարցը՝ անվտանգությունն ապահովվելո՞ւ է, թե՞ ոչ: «Հենց այդ պատճառով էլ, հնարավոր է, լքեն գյուղը, նույնիսկ եթե գյուղը չլքեն, Կիրանցի երեխաներն այլևս չեն հաճախի տեղի դպրոցը, հարևան գյուղի դպրոցը կգնան»,- հավելեց Ղազարյանը։

Վիկա Աբգարյան