Ո՞ր դիմորդները կարող են հավակնել բուհերում թափուր մնացած տեղերին
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գնահատման եւ թեստավորման կենտրոնը հայտարարել է լրացուցիչ մրցույթի համար (բուհերում թափուր մնացած տեղերի համար) հայտագրման գործընթացի մեկնարկը: Dimord.am կայքում դիմում-հայտ կարող են ներկայացնել ինչպես հիմնական մրցույթից դուրս մնացած դիմորդները, այնպես էլ հիմնական մրցույթին չմասնակցած, սակայն միասնական քննություններից դրական միավորներ ունեցողները:
Լրացուցիչ մրցույթին մասնակցող դիմորդը կարող է հայտագրել մեկ կամ ավելի բուհի մինչեւ վեց մասնագիտություն, եթե այդ մասնագիտություններով առկա են թափուր տեղեր, եւ այդ մասնագիտությունների համար սահմանված երկու միասնական քննությունից դիմորդն ունի դրական միավորներ՝ 7,5 եւ բարձր:
Հայտագրման գործընթացը կավարտվի հուլիսի 26-ին: Թափուր տեղերի ցանկը հասանելի է dimord.am կայքում: Մրցույթի ընթացքում նախապատվությունը տրվելու է հիմնական մրցույթից դուրս մնացած դիմորդներին: Հիմնական փուլի մրցույթով արդեն ընդունված դիմորդները լրացուցիչ մրցույթին մասնակցել չեն կարող։ Թափուր տեղերի մրցույթի արդյունքների հրապարակման վերջնաժամկետը հուլիսի 30-ն է:
1
2
3
4
5
3
4
4
5
