Ադրբեջանում միջին տարեկան արժեզրկումը հասել է 13,6 տոկոսի

Ադրբեջանում միջին տարեկան արժեզրկումը 2016 թվականի հունվարի արդյունքներով կազմել է 13,6 տոկոս:

Այս մասին, ինչպես հաղորդում է «Արմենպրես»-ը, հայտնում է «Ինտերֆաքս-Ազերբայջան»-ը՝ հղում կատարելով Ադրբեջանի պետական վիճակագրական կոմիտեին:

2016 թվականի հունվարին, 2015 թվականի դեկտեմբերի համեմատ, գնաճը կազմել է 5,8 տոկոս: Վիճակագրության տվյալներով՝ սպառողական ապրանքների գծով միջին տարեկան արժեզրկումը հունվարին արագացել է մինչև 18,3 տոկոս, ոչ պարենային ապրանքների գծով՝ մինչև 17,2 տոկոս, ծառայությունների գծով' մինչև 4,5 տոկոս:

Վերջին մեկ տարում պարենային ապրանքների, ըմպելիքների և ծխախոտային արտադրանքի գծով ամենաշատը՝ 169 տոկոսով թանկացել են սիգարետները, 25,5 տոկոսով՝ հացն ու հացաբուլկեղենը, 37,2 տոկոսով՝ յուղերն ու ճարպերը, 34,6 տոկոսով' թեյը, սուրճը և կակաոն:

Ոչ պարենային ապրանքների գծով 2016 թվականի հունվարին, անցյալ տարվա հունվարի համեմատ, ամենամեծ՝ 65,9 տոկոս աճ գրանցվել է կենցաղային սարքերի, 24,6 տոկոս՝ շինարարական նյութերի, 31,4 տոկոս՝ դեղորայքի, 31,3 տոկոս՝ ավտոմեքենաների պահեստամասերի, 26,6 տոկոս՝ ոսկերչական իրերի գծով:

Բնակչությանը ցուցաբերվող վճարովի ծառայությունների մեջ ամենամեծ միջին տարեկան աճը եղել է ավտոմեքենաների վերանորոգման (5,6 տոկոս), ծովային տրանսպորտով ուղևորափոխադրուների (109,8 տոկոս), օդային տրանսպորտով ուղևորափոխադրումների (22,8 տոկոս), երկաթողային ճանապարհով ուղևորափոխադրումների (15,6 տոկոս), վճարովի կրթության (8,3 տոկոս) բնագավառներում:

2016 թվականին Ադրբեջանի կառավարությունում միջին տարեկան արժեզրկման մակարդակը կանխատեսում են 10-12 տոկոս: 2015 թվականին Ադրբեջանում միջին տարեկան արժեզրկումը կազմել էր 4 տոկոս: