Ի՞նչ պայմաններում է ՀՀ սահմանը հատել ադրբեջանական պետհամարանիշներով բեռնատարը (տեսանյութ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

MediaHub-ի հետևորդներից մեկը տեսանյութ էր նկարահանել Բագրատաշեն-Իջևան ճանապարհահատվածից, որտեղ ակնհայտ երևում էր, որ ադրբեջանական տարբերանշանով՝ AZ 99ZX-491 պետհամարանիշի բեռնատարն առաջ էր ընթանում դեպի Տավուշի մարզի Իջևան քաղաք։ Տավուշցի տղամարդը, որ նկարահանել էր տեսանյութը, նկատել էր, որ սահմանը հատելուց հետո՝ մինչև Իջևան հասնելը, ադրբեջանական համարանիշները փոխարինվել էին ռուսականով։

Ի՞նչ գործ ունեն ադրբեջանցիները ՀՀ-ում և ի՞նչ են բեռնափոխադրում Վրաստանի տարածքով՝ Բագրատաշեն անցակետի սահմանապահ ծառայողները չեն պատասխանել քաղաքացու մտահոգող հարցերին, սակայն MediaHub–ն ուշադրության կենտրոնում է պահելու այս ցնցող նորությունը և շարունակելու է պարզել, թե ի՞նչ պայմաններում է Հայաստանի սահմանի որևէ կետից հատել ադրբեջանական տարբերանշանով այս մեքենան, ի՞նչ հիմնավորմամբ է դա թույլ տրվել։ Եվ ընդհանրապես, արդյո՞ք ադրբեջանական մեքենաները կարող են հատել հայկական սահմանը։ 

Այս հարցերը MediaHub–ը ուղղեց ՀՀ Պետական եկամուտների կոմիտե, որտեղից մեզ տեղեկացրին․ «Հարցը մաքսային ծառայության գործառույթների շրջանակից դուրս է, անհրաժեշտ է դիմել ԱԱԾ Սահմանապահ զորքերի ծառայություն։ Մաքսային հսկողության շրջանակում ամեն դեպքում նման տրանսպորտային միջոց ցամաքային անցման կետերում չի ֆիքսվել»։

MediaHub–ը դիմեց նաև ԱԱԾ, սակայն, կառույցից փոխանցեցին, որ գրավոր հարցումի միջոցով կպատասխանեն հարցերին։ Ուստի MediaHub–ը ուշադրության կենտրոնում է պահելու այս հարցերը, և պատասխանը լինելուն պես այն կհրապարակվի։

Տեսանյութն այստեղ

Առավել մանրամասն` այստեղ.

https://t.me/armenia24live