Հայ հրաձիգները մասնակցում են Եվրոպայի առաջնությանը
Սպորտ
Հունգարիայի Գիոր քաղաքում փետրվարի 22-ին մեկնարկում է Եվրոպայի հրաձգության առաջնությունը, որի ընթացքում մարզիկները կրակելու են 10 մ հեռավորությունից՝ «հրացան», «ատրճանակ», «վազող թիրախ» զենքաձևերից: «Արմենպրես»-ի հաղորդմամբ, Հայաստանի հրաձգության ֆեդերացիայի տեղեկատվության համաձայն՝առաջնությանը մասն ակցում է 47 երկրի 588 մարզիկ:
Եվրոպայի առաջնությանը խաղարկվելու է Ռիո-2016-ի 12 օլիմպիական վարկանիշ: Վարկանիշային են հրացան և ատրճանակ մեծահասակների վարժությունները` յուրաքանչյուր ձևից կխաղարկվի 3-ական վարկանիշ՝ կանանց և տղամարդկանց համար:
Եվրոպայի առաջնությանը Հայաստանից կմասնացի 14 մարզիկ՝ գլխավոր մարզիչ Սեյրան Նիկողոսյանի և ավագ մարզիչ Անդրանիկ Այվազյանի ղեկավարությամբ:
Եվրոպայի առաջնության պատմության մեջ առաջին անգամ «ատրճանակ» և «հրացան» ձևերում կկիրառվեն խառը թիմային վարժություններ: «Օդամղիչ ատրճանակ» մեծահասակների պայքարում խառը թիմային զույգ են կազմել Նորայր Առաքելյանը և Էլմիրա Կարապետյանը,« հրացան» ձևում զույգ են կազմել Քրիստիան և Իրինա Լաուերները, հնարավոր է նաև թիմային պայքարում հանդես գան Հրաչիկ Բաբայանը և Մարիամ Միքայելյանը:
Առաջնությունը կավարտվի փետրվարի 28-ին:
1
2
3
4
5
1
2
3
4
2
3
5
