Արդեն մի 4-5 օր է՝ կուտակումները չկան, դատարկ է անցակետը՝ մոտ 40 րոպեում երկու սահմանն էլ անցնում են․ Վահան Հակոբյան
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վերին Լարսի անցակետում հերթերը թեթևացել են, մի քանի օր է՝ կուտակումներ չկան։
Այս մասին MediaHub-ի հետ զրույցում ասաց ՌԴ-ում ՀՀ մաքսային կցորդ Վահան Հակոբյանը։
«Կուտակումներ կային տուրիստական սեզոնի սկսելու հետ կապված, բայց արդեն վիճակը լավացել է։ Երևի արդեն մի 4-5 օր է՝ այդ կուտակումները չկան, բայց դրանից առաջ գրեթե մի շաբաթ կուտակումներ են եղել, հիմա արդեն դատարկ է անցակետը՝ մոտ 40 րոպեում երկու սահմանն էլ անցնում են»,- ասաց Հակոբյանը։
Նրա խոսքով՝ խնդիրը մարդատար մեքենաների մեծ քանակի մեջ էր, քանի որ այս տուրիստական սեզոնով պայմանավորված՝ մարդատար մեքենաների հոսքը կտրուկ աճեց, և արդյունքում կողմերը չհասցրեցին հոսքը սպասարկել։
«Բայց աշխատակիցներին ավելացրին և արդեն հասցնում են սպասարկել։ Օրական միջինը մոտ 3200 թեթև մարդատար մեքենա էին սպասարկում երկու ուղղություններով և մոտ 1000-1200 էլ՝ բեռնատար, դա իրենց մաքսիմալ ծավալներն է, որ այս սեզոնին լինում է, բայց աշխատակիցների քանակը ավելացնում են ու հասցնում են սպասարկել»,- նշեց Վերին Լարսում ՀՀ մաքսային կցորդը։
Վահե Մակարյան
1
2
3
4
5
1
2
3
4
1
2
3
4
5
