Մի բան ցույց տամ, ոչ մեկին չասես. անչափահասների նկատմամբ սեռական ոտնձգություններ կատարած Գագիկն ազատազրկվեց 6 տարով

Արմավիրի մարզի Բամբակաշատ գյուղում 16 տարին չբոլորած աղջկա նկատմամբ անառակաբարո գործողություն կատարելու մեջ մեղադրվող 41-ամյա տղամարդը դատապարտվել է 6 տարվա ազատազրկման: Նալբանդյան գյուղի բնակիչ Գագիկ Մկրտչյանը 2013թ. հոկտեմբերի 5-ին` տեսնելով փողոցով անցնող անչափահաս աղջկան, իր «Մերսեդես բենց» մեքենայի ղեկին նստած վիճակում բաց պատուհանից ցուցադրել է առնանդամը:

16 տարին չբոլորած աղջիկը շփոթվել ու հեռացել է, ավելի ուշ նա ոստիկանություն է զանգել ու հայտնել տեղի ունեցածի մասին,  սակայն Գագիկը մնացել է անպատիժ: 2014 թ. ապրիլի 25-ին Գագիկը նույն անառակաբարո գործողությունն է  կատարել 12 տարին չլրացած աղջկա նկատմամբ, որը դպրոցից տուն վերադառնալիս է եղել:  Նա  մեքենայի կողային պատուհանի ապակին բացել է, կանգնել է երեխայի կողքին ու ցուցադրել է իր առնանդամը՝ ասելով «Մի բան ցույց տամ, ոչ մեկին չասես»:

Նրան  մեղադրանք էր առաջադրվել ՀՀ ՔՕ 142 հոդվածի 3-րդ մասի 2-րդ կետով և 142 հոդվածի 1-ին մասով`Ակնհայտ տասնվեց տարին չլրացած անձի նկատմամբ անառակաբարո գործողություններ կատարելը, որը պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ ուղղիչ աշխատանքներով՝ առավելագույնը մեկ տարի ժամկետով, կամ ազատազրկմամբ՝ առավելագույնը երկու տարի ժամկետով:

Նշենք, որ առաջադրված մեղադրանքում Գագիկն իրեն մեղավոր չի ճանաչել: Նրա փաստաբանը դիմել է Վերաքննիչ քրեական դատարան։