Երեխաները դեռ բnւժում են uտանում, մի քանի օր էլ կմնան. ինչպե՞ս են թnւնավորված շինուհայրցի ընտանիքի անդամները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Սյունիքի մարզի Շինուհայր բնակավայրում ընտանիքի 7 անդամների, այդ թվում 5 անչափահասների, թունավորման հանգամանքները պարզվում են նախաքննությամբ: 

Ինչպես MediaHub-ը ավելի վաղ տեղեկացրել էր,  հուլիսի 5-ին, արտակարգ դեպք էր  տեղի ունեցել Սյունիքի մարզում: Հիվանդանոց են տեղափոխվել Սյունիքի մարզի բնակիչներ 9-ամյա Մարիաննա Խ.-ն, 4-ամյա Լուիզա Խ.-ն, իսկ «Գորիս» բժշկական կենտրոնից ոստիկանության Գորիսի բաժին հայտնել են, որ «սուր էկզոգեն թունավորմամբ» իրենց մոտ են տեղափոխվել Սյունիքի մարզի բնակիչներ 11-ամյա էլեն Խ.-ն, 31-ամյա Անի Խ.-ն, 6-ամյա Ռամելա Խ.-ն, նորածին Անի Խ.-ն և 34-ամյա Գրիգոր Խ.-ն ,իսկ Լուիզա Խ.-ն, գիտակցության չգալով, հանկարծամահ է եղել:

MediaHub-ի հետ զրույցում Սյունիքի մարզպետի օգնական Արմինե Ավագյանը տեղեկացրեց, որ ընտանիքը Շինուհայր գյուղից է։

«Գորիսի բժշկական կենտրոնում այս պահին ընտանիքի երեք երեխաներն են, որ բուժում են ստանում, ծնողները դուրս են գրվել։ Երեխաների վիճակն այս պահին բավարար է, մի քանի օր ևս պետք է շարունակեն իրենց բուժումը»,- ասաց նա։

Ըստ մեր զրուցակցի` հիմա քննություն է գնում, թե ինչից և ինչ պատճառով է եղել թունավորումը, համապատասխան մարմինները զբաղվում են դրանով։

Նշենք նաև, որ երեխաներից մեկին ծանր վիճակով տեղափոխել էին «Մուրացան» հիվանդանոց, սակայն վերջինիս վիճակի մասին տեղեկություն ստանալ չհաջողվեց։

Քիչ առաջ ՔԿ-ից տեղեկացրին, որ կատարված ստուգումներով պարզվել է, որ ընտանիքի անդամների ինքնազզգացողությունը սկսել է վատանալ հուլիսի 5-ին՝ ժամը 20:00-ի սահմաններում ընտանիքի բոլոր անդամներով ընթրելուց հետո: Ամուսինները հարցաքննվել են՝ տալով նույնաբովանդակ ցուցմունք։ Քննությամբ նախնական տվյալներ են ձեռք բերվել այն մասին, որ ընտանիքի անդամների ինքնազգացողությունը կտրուկ վատացել է Շինուհայր բնակավայրի և Գորիս քաղաքի խանութներից գնված և ընթրիքի համար պատրաստված մսեղենն ու երշիկեղենն ընտանիքի բոլոր անդամներով ուտելուց հետո, երեխաները նաև մրգեր ու հատապտուղներ են կերել:

Ծնողները դուրս են գրվել հիվանդանոցից, 4 երեխաները դեռևս շարունակում են մնալ բուժհաստատությունում՝ բժիշկների հսկողության ներքո, նրանցից մեկը տեղափոխվել է Երևանի համապատասխան բժշկական կենտրոն։

Վիկա Աբգարյան

Առավել մանրամասն` այստեղ.

https://t.me/armenia24live