Հասարակության մեջ միշտ գերակշռել և գերակշռում է այն մոտեցումը, թե Ռուսաստանը պետք է աջակցի իր մերձավոր դաշնակցին

Վահե Մոսինյանը ֆեյսբուքյան իր էջում գրում է․

Հայ-ադրբեջանական շփման գծում վերջին տարիներին իր գագաթնակետին հասած լարվածության պարագայում հայաստանյան հասարակության մեջ միշտ գերակշռել և գերակշռում է այն մոտեցումը, թե Ռուսաստանը պետք է աջակցի իր մերձավոր դաշնակցին տարածաշրջանում։ Տվյալ պարագայում, մենք ՌԴ-ից ակնկալում ենք և դիվանագիտական և ռազմական աջակցություն։ Բոլորս էինք վրդովվում, երբ ՌԴ-ն մեծաքանակ զենք-զինամթերք էր վաճառում Ադրբեջանին։

Այո, իրավացիորեն էինք վրդովվում․․․ Սակայն պետք է հասկանանք մեկ կարևորագույն հանգամանք, դաշնակցային հարաբերություններն ու ռազմավարական գործարքները միակողմանի երբեք չեն լինում․ եթե ակնկալում ես բարեկամ երկրի օգնությունն ու աջակցությունը, ապա պետք է ինքներս էլ պատրաստ լինենք հարկ եղած դեպքում աջակցություն ցուցաբերելու մեր դաշնակից պետությանը։ 
Ուսումնասիրողները պարզ գիտեն, թե ինչ նպատակով ստեղծվեց ՆԱՏՕ-ն, որին հակառակ ստեղծվեց Վարշավայի պայմանագրի կազմակերպությունը։ ԽՍՀՄ փլուզման ժամանակաշրջանում լուծարվեց նաև Վարշավայի պայմանագրի կազմակերպությունը․ ՆԱՏՕ-ն հավաստիացնում էր, որ տվյալ պարագայում տեղի չի ունենա առաջխաղացում դեպի Արևելք․․․

Իսկ ժամանակը ցույց տվեց հակառակ գործընթացը։ Տվայալ պարագայում ստեղծվեց ՀԱՊԿ-ը։ Իսկ ՀԱՊԿ-ը հզորանալու դեպքում կարող է լրջագույն անվտանգության երաշխիքներ ապահովել և մեր, և ընդհանուր տարածաշրջանի համար։ 
Այս ամենի գիտակցման պարագայում, հասկանում ենք, թե որքան իրավացի է Արթուր Բաղդասարյանը <<Կոմսոմոլսկայա պրավդա>> թերթին տված վերջին հարցազրույցում։ 
Պարզապես զարմանալ կարելի է որոշ մանրագույն թափթփուկների տխմար արձագանքները կարդալով․ զարմանում եմ, միթե այդքան անհեռատես եք, թե փողն ավելի արժեքավոր է քան ճշմարտությունը․․․