Տուլա մեկնող երևանցի կինը ծննդաբերել է գնացքում
Header
Կրասնոդարից Տուլայում ապրող հարազատների մոտ մեկնող երեւանցի կնոջ ծննդաբերության ցավերը բռնել են հենց գնացքում: Կինը ճանապարհորդում էր ամուսնու եւ 3 տարեկան աղջկա հետ: Կուրսկից մեկ ժամվա հեռավորության վրա գտնվելիս նա սկսել է ծննդաբերել, հայտնում է «Գուդոկը»:
Գնացքի ուղեկցորդները շտապ օգնություն են կանչել կայարան: Սակայն երեխան շտապում էր լույս աշխարհ գալ, ուստի պլացքարտային վագոնը հապճեպ կարգով վերածել են ծնարանի: Վագոնի մի մասը առանձնացրել են սավաններով: Ուղեւորները ըմբռնումով են մոտեցել եւ փորձել են օգնել, ինչով կարողացել են, մասնավորապես զբաղացրել են ծննդկանի փոքրիկ աղջկան, որպեսզի շեղեն նրա ուշադրությունը:
Գնացքի ղեկավարը, որը նախկինում իր պրակտիկայում նման դեպքերի հետ չէր բախվել, փորձել է պարզել, թե չեն կարող արդյոք բժիշկները արագ հասնել իրենց գնացքին: Պարզվել է, որ Կուրսկի կայարանից բացի, երկաթգծային այլ մուտքեր չկան: Բարեբախտաբար, ուղեւորների մեջ բժշկուհի է եղել, չնայած նա երբեք ծնունդ չէր ընդունել, քանի որ լաբորանտ մանրէաբան էր: Այդուհանդերձ նրա գիտելիքները պետք են եկել:
Կուրսկի բժիշկները նշել են, որ աղջիկը կշռում է 2 կգ 700 գրամ, նրա վիճակը լավ է:
1
2
3
4
5
1
2
3
1
2
3
5
