ՀՀ ԱԳՆ-ն «ամաչում է» առարկաները կոչել իրենց անուններով. Ցինկեր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանի Հանրապետությունը ճանաչում է Պաղեստինի պետությունը։ Քիչ առաջ նման հայտարարություն արեց ՀՀ ԱԳՆ-ն: Եվ հասկանալի է, որ սա բավականին լուրջ քայլ է:

Նշենք, որ 2024 թվականի դրությամբ Միավորված ազգերի կազմակերպության (ՄԱԿ) անդամ 193 երկրներից 145-ն էին ճանաչել Պաղեստին պետության անկախությունը։ Հայաստանը, ահա, համալրեց նրանց շարքերը՝ Իսրայելի և Պաղեստինի շուրջ լարվածության ֆոնին:

Իսրայելը, հիշեցնենք, 2020-2023 թթ Հայաստանի դեմ Ադրբեջանի սանձազերծած պատերազմների հիմնական շահառուն է եղել՝ զենք վաճառելով Ադրբեջանին։ Սակայն, անգամ 2020–ի արյունալի պատերազմից հետո, երբ այդ թվում Իսրայելի վաճառված զենքով Արցախում զոհվեցին հազարավոր հայ տղաներ, Հայաստանն Իսրայելի հետ շարունակում էր պահել դրական դիվանագիտական հարաբերություններ։ 

Ի դեպ, թեև ՀՀ-ն և Իսրայելը 1992 թվականի ապրիլին են հաստատել դիվանագիտական հարաբերություննեը, սակայն Հայաստանն Իսրայելում դեսպանատուն բացեց միայն 2020 թվականին՝ արյունալի 44-օրյա պատերազմից մեկ ամիս առաջ: Եվ սա ավելորդ լարվածություն մտցրեց մեր բարեկամ Իրանի հետ:

Ի՞նչ է նշանակում Պաղեստինի պետության ճանաչումը, սպասե՞լ նոր լարվածություն հայ-իսրայելական հարաբերություններում. այս և այլ հարցերի շուրջ MediaHub-ը զրուցեց իսրայելցի քաղաքագետ Ալեքսանդր Ցինկերի հետ։

«Հայաստանը ոչնչով չի տարբերվում Իսրայելի դաշնակից Ադրբեջանից, որը նույնպես ճանաչել է Պաղեստինի պետությունը։ Իսրայելի և Հայաստանի միջև հարաբերությունները գրեթե բացակայում են, պայմանավորվածությունները քաղաքական չեն, դիվանագիտական հարաբերություններ կան, բայց ոչ ավելին»,– նկատեց Ցինկերը։

Նա նշեց, որ չի կարծում, որ սա մեծ ազդեցություն կունենա երկրների հարաբերությունների վրա, և որպես օրինակ կրկնեց՝ Ադրբեջանը վաղուց է ճանաչել Պաղեստին պետությունը, բայց Իսրայելը շարունակում է համագործակցել Ադրբեջանի հետ։

«Բայց, կարծում եմ, Հայաստանի ղեկավարությունը որոշել է, որ հիմա դա ինչ-որ հոսքի մեջ լավ է։ Թեև ես կառանձնացնեի Հայաստանի ԱԳՆ հայտարարության առաջին մասը, որտեղ, առանց կոնկրետ ՀԱՄԱՍ-ի անունը տալու, նշվում է, որ անհրաժեշտ է, ընդհանուր առմամբ, բացառել խաղաղ բնակիչների առևանգումը, խաղաղ բնակիչների ոչնչացումը, որ անհրաժեշտ է անվերապահորեն վերադարձնել բոլոր առևանգվածներին»,- ասաց մեր զրուցակիցը։

Իսրայելցի գործչի խոսքով՝ Հայաստանի ԱԳՆ-ն «ամաչեց» կոնկրետ նշել, թե ովքեր են խաղաղ բնակիչներ սպանում և առևանգում: 

Եզրափակելով խոսքը՝ Ցինկերը նկատեց, որ երկու երկրների հարաբերությունները բավականին ցածր մակարդակի վրա են։ «Հարաբերությունների աճի ծիլեր կային 2018-ի վերջում, ավելի ճիշտ՝ նույնիսկ 2018-ից առաջ, ինչ-որ տեղ` 2015-ին. այդ տարիներին պատվիրակություններ ճանապարհորդեցին, որոշ նախագծեր քննարկվեցին, բայց ղարաբաղյան պատերազմից հետո, բնականաբար, այս ամենն ինչ-որ կերպ դանդաղեց։ Իսկ հարաբերություններն այժմ բավականին ցածր մակարդակի վրա են։ Հուսով եմ, որ երբ իրավիճակը քիչ թե շատ հանդարտվի այստեղ՝ Մերձավոր Արևելքում, միանգամայն հնարավոր է, որ դրանք ստանան ինչ-որ նոր դրական լիցք»։

Նշենք, որ նյութը պատրաստելու պահին հայտնի դարձավ, որ Իսրայելի ԱԳՆ-ն, ըստ ամենայնի, բողոքի նոտա է հայտնելու Երևանին Պաղեստինի անկախությունը ճանաչելու համար։ Իսրայելում ՀՀ դեսպան Արման Հակոբյանը հրավիրվել է այդ երկրի ԱԳՆ :

Մարիաննա Արամյան

Առավել մանրամասն` այստեղ.

https://t.me/armenia24live