Սոցիալական արդարության միջազգային օրը նշվեց Գյումրիում

Սոցիական անարդարություն ծնող պատճառները վերացնել ու սոցիալական համահավասարություն ստեղծել՝ գյումրեցի երիտասարդներն այս կոչով են առաջնորդվում: Սոցիալական արդարության միջազգային օրվան ընդառաջ, փետրվարի 20-ին, «Ազգային ոգի» երիտասարդական շարժման նախաձեռնությամբ, Գյումրիում անցկացվեց  հանրային քննարկում՝ «Սոցիալական արդարությունը որ պես պետական արժեք»  թեմայով:

Քննարկումը, որը  նպատակ ուներ   բացահայտել «Սոցիալական արդարություն» երևույթի հասարակական ընկալման տարբեր ասպեկտները և գործնական կիրառման հնարավորությունները, ավելի շատ բացահայտում էր երիտասարդների տեսլականը սոցիալական արդարության վերաբերյալ:  Երևույթը բացահայտվում է տարբեր ոլորտներով՝ հոգևոր արժեքներից մինչև հոգեբանական դրսևորում, իսկ վերջում արդեն  քաղաքական հարթակում: Հրավիրված  բանախոսները՝ քաղաքական« քաղաքացիական, հոգևոր և գիտական-հասարակական ոլորտների ներկայացուցիչները բոլորը համակարծիք էին՝ երևույթը վերացնելը չափազանց դժվար է, բայց անհնար չէ:  «Նախ պետք է վերհանենք երևույթն ու դրա իմաստը, որից հետո նոր փորձենք գտնել այն գործնական քայլերը, որոնք կբերեն սոցիալական արդարության»,-նշեց «Ազգային ոգի» երիտասարդական շարժման անդամ Սոֆիա Հովհաննիսյանը՝ ավելացնելով, որ անտարբերությունն է հիմնականում  ծնում  սոցիալական անարդարություն:

«Մենք համոզված ենք, որ սոցիալական արդարությունը  վերացական հասկացություն չէ, այլ ամբողջովին չափելի, իրական ու գնահատելի մեր իրականության մեջ ու խնդիրը քննարկաման կարիք ունի տարբեր տեսանկյուններից», -նշեց շարժման անդամ Արմեն Ներսիսյանը:

«Նախ հարկավոր է պարզել, թե որն է սոցիալական ոլորտը, քանի որ յուրաքանչյուր մեկը այս երևույթին իր ընկալումներից է մոտենում, եթե օրինակ դիտարկենք որ խնդիրը առնչվում է մարդուն, հասարակությանը, ապա խնդիրը հենց հոգևոր ոլորտին է  առնչվում: Հենց հոգևորի միջոցով պետք է հասնել սոցիալական արդարության. սոցիալական արդարություն ասելով դա այն արժեհամակարգն է, որն ի վերուստ արարման պահից տրված է մարդուն՝ որպես օրենք, գործելակերպ, ճշմարտություն, որից մարդուն զրկել ոչ մեկն իրավունք չունի: Երբ մարդն ինչ-ինչ հարգամանքներից ելնելով զրկվում է իր իրավ ունքից, տեղի է ունենում  հավասարության կորուստ: Յուրաքանչյուրն ունի իր իրավունքը»,-նշեց Տեր Փավստոս քահանա Սարգսյանը՝  հավելելով, որ հավասարության կորուստը տանում է աղետի և կործանման:

Այն, որ հնարավո է հասնել սոցիալական արդարության «Արմենպրես»-ի հետ ունեցած զրույցի ժամանակ նշեց   Ա. Դ. Սախարովի անվան մարդու իրավունքների պաշտպանության (ՄԻՊ) հայկական կենտրոնի Շիրակի մասնաճյուղի ղեկավարՍեյրան Մարտիրոսյան: «Մարդու իրավունքերի  հիմքում դրված է հենց սոցիալական արդարությունը, եթե դա չկա ապա ընդհանարպես իմաստ չկա խոսելու իրավունքների մասին: Դրա համար նախ պետք է ունենալկառույցներ՝ հասարակական,  կամ շատ ավելի լավ կլինի  արհմիություններ, որանք կլինեն սոցիալական արդարության համար պայքարող և նաև քաղաքական կուսակցությունները: Սոցիալական արդարության համար պայքարող լավ երիտասարդներ ունենք»,-ավելացրեց Սեյրան Մարտիրոսյան: