Ձերբակալել Սիմոնյանին, Սոլովյովին և Մեդվեդևին. դիմել են ՄՔԴ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մարդու իրավունքների միջազգային ֆեդերացիան (FIDH) և նրա գործընկերները գրավոր դիմել են Հաագայի Միջազգային քրեական դատարանի (ՄՔԴ) դատախազին՝ խնդրելով ձերբակալման օրդեր տրամադրել «ռուս վեց քարոզիչների նկատմամբ»:  Այս մասին հայտնում է «Մեդուզա»-ն՝ հղում անելով կազմակերպության մամուլի հաղորդագրությանը։
Իրավապաշտպանները պահանջել են ձերբակալել հեռուստահաղորդավար Վլադիմիր Սոլովյովին, RT հեռուստաալիքի գլխավոր խմբագիր Մարգարիտա Սիմոնյանին, «Россия Сегодня» մեդիա խմբի ղեկավար Դմիտրի Կիսելևին, ռադիո և հեռուստահաղորդավար Սերգեյ Մարդանին, ինչպես նաև Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևին:

Նրանք բոլորը, ըստ հայտարարության հեղինակների, նպաստում են «ռուսական ռազմական հանցագործություններին»՝ ներգրավվելով Ուկրաինայում խաղաղ բնակչության դեմ ատելություն տարածելու արշավում։ Իրավապաշտպաններն ասում են, որ այդ գործողությունները կարելի է որակել որպես մարդկության դեմ ուղղված հանցագործություն։
FIDH-ը կարծում է, որ ՌԴ նախագահի աշխատակազմի ղեկավարի առաջին տեղակալ Ալեքսեյ Գրոմովը՝ ռուսական հեռուստատեսության պետական ​​քարոզչության պատասխանատուն, նույնպես պատասխանատու է ատելության խոսքի միջոցով ուկրաինացիների հետապնդման համար։

Իրենց կոչի շրջանակներում իրավապաշտպանները վերլուծել են ավելի քան երկու հազար տեսանյութ հիշյալ անձանց հայտարարություններով, որոնք արվել են 2022 թվականի փետրվարի 24-ից մինչև 2024 թվականի փետրվարի 24-ը։ Ընդհանուր առմամբ, FIDH-ը և նրա գործընկերները հայտնաբերել են ավելի քան 300 հայտարարություն, որոնք համարվում են ուկրաինացիների նկատմամբ ատելության խոսք: FIDH-ի ուսումնասիրության արդյունքներն ուղարկվել են ՄՔԴ դատախազություն։

Առավել մանրամասն` այստեղ.

 https://t.me/arm24live