Սա Հայաստանի Հանրապետության արժանապատվության հարցն է, որը վաղուց կորցրել են գործող իշխանությունները․ Մանե Թանդիլյան
Blog![Սա Հայաստանի Հանրապետության արժանապատվության հարցն է, որը վաղուց կորցրել են գործող իշխանությունները․ Մանե Թանդիլյան](/timthumb.php?src=disc/05-06-24/eb6fd93b1d6f246b514e662bd6dbdf2e.jpg&w=780)
«Ապրելու Երկիր» կուսակցության նախագահ Մանե Թանդիլյանը ֆեյսբուքյան իր էջում գրել է․
Ութ ամսից ավելի է Արցախի ռազմաքաղաքական ղեկավարությունը բանտարկված է Բաքվում։ Բացի նրանցից, առնվազն ևս 15 մեր հայրենակից է գերավարված թշնամու կողմից։
Եվ այս ամբողջ ընթացքում Նիկոլ Փաշինյանը և Արարատ Միրզոյանը գեթ մեկ անգամ չեն խոսել այս մասին՝ ո՛չ ադրբեջանական կողմի հետ հանդիպումների ժամանակ, ո՛չ միջազգային այլ հանդիպումների ընթացքում, ոչ էլ Հայաստանում։
Նրանք խոսում են ամեն ինչից, բառացիորեն ամեն-ամեն ինչից, բացի Բաքվում գտնվող գերիներից։
Սա Հայաստանի Հանրապետության արժանապատվության հարցն է, որը վաղուց կորցրել են գործող իշխանությունները։