«Պուտինի այրված ամառանոցը» և հարված ֆրանսիացի զինվորականներին. ի՞նչ է պատմել Պեսկովը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՌԴ նախագահի մամուլի քարտուղար Դմիտրի Պեսկովը լրագրողների հետ զրույց է ունեցել, որի ընթացքում հայտարարել է, որ ուկրաինացի զինվորականների վերապատրաստման մեջ ներգրավված հրահանգիչները չեն կարողանա դիմակայել ռուսական հարձակմանը։ Նա նաև հերքել է Ալթայի և Ալթայի երկրամասի միավորման մասին լուրերը, որոնք ի հայտ են եկել Ալթայի նահանգապետ Օլեգ Խորոխորինի հրաժարականից հետո։ 

Հարված ֆրանսիացի հրահանգիչներին

Պեսկովը նշել է, որ Ռուսաստանը շարունակում է հատուկ ռազմական գործողությունը՝ գերագույն գլխավոր հրամանատարի կողմից ձևակերպված նպատակներով և խնդիրներով։ Նրա խոսքով, հրահանգիչները, որոնք վարժեցնում են Ուկրաինայի զինված ուժերին, ոչ մի անձեռնմխելիություն չունեն ռուսական հարվածի դեմ։ «Կարևոր չէ՝ նրանք ֆրանսիացի են, թե ոչ», - ասել է Պեսկովը։

Բոլիվիայի նախագահի և Պուտինի հանդիպումը 

Բոլիվիայի առաջնորդ Լուիս Արսեն կմասնակցի Սանկտ Պետերբուրգի միջազգային տնտեսական համաժողովին: «Սա լավ առիթ կլինի երկու նախագահների շփվելու համար»,- նշել է Պեսկովը։

Այսպես կոչված «Պուտինի ամառանոցը».

«Պուտինի ամառանոց» կոչվող այրված շենքի մասին հարցին Պեսկովը պատասխանել է, որ Կրեմլը տեղեկություն չունի այս հաստատության մասին։ ՌԴ նախագահի մամուլի քարտուղարի խոսքով՝ Ալթայում պետության ղեկավարի պաշտոնական նստավայր չկա։

Երկրները հրաժարվում են մասնակցել Շվեյցարիայում Ուկրաինայի հարցով համաժողովին

Պեսկովը մեկնաբանել է որոշ երկրների՝ Ուկրաինայի հարցով համաժողովին մասնակցելուց հրաժարվելը։ «Երկրների չմասնակցելը հասկանալի դիրքորոշում է։ Երկրները չեն ցանկանում մասնակցել մի միջոցառման, որտեղ չկա նպատակադրում»,- ասել է Պեսկովը։ Նրա խոսքով՝ առանց Ռուսաստանի անհնար է հակամարտությունը քննարկել։

Ռուս գործակալների միջամտությունը Օլիմպիական խաղերին

Պեսկովը քննադատաբար է խոսել ռուս գործակալների գործողությունների մասին լուրերի մասին, որոնք, իբր, փորձում են միջամտել Օլիմպիական խաղերին։ «[Լուրերը] ավելի շուտ պատկանում են լայնածավալ քննադատության կատեգորիային, որը հիմնավորում չունի։ Սա զրպարտություն է և ոչ ավելին»,- ասել է Պեսկովը։