Բոնդի մասին «007.Սպեկտոր» ֆիլմի մեքենան աճուրդում վաճառվել է 3.5 միլիոն դոլարով
Միջազգային
Ջեյմս Բոնդի մասին պատմող 24-րդ «007.Սպեկտոր» ֆիլմի գլխավոր հերոսին պատկանող Aston Martin մեքենան վաճառվել է 3.5 միլիոն դոլարով էլեկտրոնային աճուրդի ժամանակ: Ինչպես հայտնում է «Արմենպրես»-ը, վկայակոչելով РИА Новости-ին` այս մասին հաղորդել է The Verge-ը: Christie's աճուրդային տունը, որն իրականացրել է մեքենայի վաճառքը, նախ ապես այն գնահատել է 1-1.5 միլիոն ֆունտ, բայց մեքենան վաճառվել է ավելի քան 2.4 միլիոն ֆունտով:
Aston Martin DB10 մեքենան մշակվել է Aston Martin-ի կողմից հատուկ Բոնդի ֆիլմի համար: Ֆիլմերի հատուկ սերիաների համար ստեղծվող մեքենաների մեծամասնությունը նախատեսվում է նկարահանումների համար, ընդ որում ` դրանցից երկու օրինակը հանդիսանում են բացառապես ցուցահանդեսային նմուշներ: Հենց այդ ցուցանմուշներից մեկն էլ վաճառվել է աճուրդում:
Մեքենան կարող է զարգացնել 305 կմ/ժ արագություն, բայց դրա սեփականատերը չի կարող այն վարել բոլորի համար նախատեսված ճանապարհներին, քանի որ մեքենան չի անցել համապատասխան սերտիֆիկացում:
1
2
3
4
5
1
2
3
4
5
1
3
4
