Բրյուսելը եւ Լոնդոնը գագաթնաժողովի առաջին օրը չկարողացան համաձայնության հասնել ԵՄ-ի բարեփոխման շուրջ
Միջազգային
Եվրամիության ղեկավարները համաձայնության չեն հասնել ԵՄ-ի բարեփոխումների շուրջ, որոնք պնդում է Լոնդոնը, Բրյուսելում բանակցությունները շարունակվում են երկկողմ ռեժիմով: Այդ մասին, ինչպես տեղեկացնում է «Արմենպրես»-ը, հայտարարել է Եվրախորհրդի ղեկավար Դոնալդ Տուսկը՝ ամփոփել ով հանրակցության գագաթնաժողովի առաջին օրվա արդյունքները:
«Մենք որոշակի առաջընթացի ենք հասել, բայց դեռ շատ բան պետք է արվի: Այժմ ես երկկողմ հանդիպումներ եմ անցկացնելու Քեմերոնի, Օլանդի, Միշելի (Բելգիայի վարչապետի) հետ»,- ասել է նա: Ոչ Տուսկը, ոչ էլ նրա կողքին կանգնած Եվրահանձնաժողովի ղեկավար Ժան Կլոդ Յունկերն այլեւս ոչ մի պարզաբանում չեն արել: Այդպիսով, ԵՄ-ի ղեկավարները փաստորեն հաստատել են, որ Բրյուսելի եւ Լոնդոնի միջեւ մինչ այժմ լուրջ տարաձայնություններ են պահպանվում:
Ինչպես գագաթնաժողովի կողասրահներում ՏԱՍՍ-ին հայտնել է մի աղբյուր, մի շարք երկրներ, հատկապես՝ Բելգիան եւ Ֆրանսիան, դեմ են Բրյուսելի կողմից Լոնդոնի բոլոր պահանջները կատարելուն: «Մի շարք երկրներ, մասնավորապես, Բելգիան եւ Ֆրանսիան, դեմ են այն բանին, որ Բրյուսելը կատարի վարչապետ Քեմերոնի բոլոր պահանջները, նրանք գտնում են, որ Լոնդոնի առանձին պահանջներ ոչ միայն հակասում են հանրակցության հիմնարար սկզբունքներին, այլեւ ազնիվ չեն ԵՄ-ի մյուս 27 երկրների նկատմամբ»,- պարզաբանել է դիվանագետը: Ավելի ուշ այլ աղբյուրներ հաստատել են այս տեղեկատվու թյունը, ընդգծելով, որ Լոնդոնի պայմանների առավել կատաղի հակառակորդը Բելգիան է:
Գերմանիայի կանցլեր Անգելա Մերկելի խոսքով՝ ԵՄ-ն ցանկանում է Մեծ Բրիտանիան պահպանել իր շարքերում, թեեւ պարզ է, որ դա դյուրին չի լինելու շատ երկրների համար:
«Մենք քննարկումներն անցկացրեցինք այն ոգով, որ կա ԵՄ-ում Մեծ Բրիտանիային պահպանելու ցանկություն: Պարզ է, որ շատերին հեշտ չի լինի համաձայնության հասնել, սակայն առկա է դա անելու ցանկությունը»,- ասել է նա:
Իտալիայի վարչապետ Մատեո Ռենցին հայտարարել է, որ ԵՄ-ի գագաթնաժողովի առաջին օրվա արդյունքներով պակասել է իր լավատեսությունը Եվրամիության եւ Մեծ Բրիտանիայի միջեւ համաձայնագրի կնքման շանսերի վերաբերյալ:
1
2
3
4
5
1
2
3
4
5
3
