«Խարիզմատիկ հոգևորականը բողոքի կրակ է վառել Հայաստանում». արտասահմանյան մամուլը՝ շարժման մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վերջին մեկ ամիսը Հայաստանն ապրում է ստի ու կեղծիքի դեմ պայքարով. Բագրատ Սրբազանի առաջնորդությամբ շարժումը Տավուշից տեղափոխվել է Երևան ու այլևս քաղաքական հարթակում պետք է իր շարունակությունն ունենա:

Ի՞նչ են գրում օտարերկրյա լրատվամիջոցները հայաստանյան ներքաղաքական օրակարգի մասին: MediaHub-ն ուսումնասիրեց արտասահմանյան մամուլը և ամենից ուշագրավ հատվածները մեջբերում է:

Նշենք, որ արևմտյան մամուլը հիմնականում արձանագրում է այն, ինչ տեղի է ունենում այս օրերին Երևանում՝ զերծ մնալով գնահատականներ հնչեցնելուց կամ կանխատեսումներից: Զուտ արձանագրում:

Օրինակ, ֆրանսիական լրատվամիջոցները Բագրատ Սրբազանին որակում են իբրև «խարիզմատիկ հոգևորական», որը բողոքի կրակ է վառել  Հայաստանում։

««Անկեղծ արքեպիսկոպոսը» երթ է գլխավորում դեպի Հայաստանի մայրաքաղաք Երևան՝ իր բողոքն արտահայտելով Ադրբեջանի հետ սահմանազատման բանակցությունների դեմ: Բագրատ Գալստանյանն ու նրա համախոհները պահանջում են կասեցնել գործընթացը։ Բագրատ արքեպիսկոպոս Գալստանյանը գրավել է հայաստանյան քաղաքականության առաջնագիծը` կազմակերպելով զանգվածային ժողովրդական բողոքի ցույցեր` ընդդեմ Հայաստանի ոխերիմ թշնամի Ադրբեջանին հողերը զիջելու կառավարության ծրագրի»,- գրում են լրատվամիջոցները:

Հնչում են նաև հարցեր։ «Իրական նախախնամությո՞ւն, թե՞ սուտ մարգարե: Ո՞վ է հայերի հավատը վերականգնող արքեպիսկոպոս Բագրատ Գալստանյանը։ Նա անհանգստացած է վարչապետ Նիկոլ Փաշինյանի որոշումից, ով հարևան ադրբեջանցիների հետ խաղաղ բանակցությունների շրջանակում համաձայնել է Տավուշի չորս գյուղեր հանձնել առանց փոխհատուցման. հոգևորականը, չհաշտվելով դրա հետ, մայիսի 4-ին միացավ տեղի բողոքի շարժմանը, որտեղ բնակիչները հրաժարվում էին լքել իրենց պապենական հողերը, ինչպես դա արեց ավելի քան 100 000 հայ»,- գրում են ԶԼՄ-ները։

Եվրոպական պետությունները հետևում են Հայաստանում կատարվող  իրադարձություններին․ ահա հերթական՝ «Հայաստան. ամենօրյա ցույցեր ընդդեմ Ադրբեջանին տարածքային զիջումների» վերտառությամբ հրապարակումը, որում անդրադարձ կա նաև ձերբակալություններին։

«Մի քանի օր է, ինչ Հայաստանը ցնցվում է ամենօրյա ցույցերից։ Բողոքի շարժում բնակչության մի մասի կողմից, որը մերժում է Երևանի կողմից Ադրբեջանին տրված տարածքային զիջումներից։ Երկուշաբթի՝ մայիսի 13-ին, հարյուրից ավելի ցուցարարներ ձերբակալվեցին»:

Ապա հավելում են, որ «բնակչության մի մասը, կարծես, ընկալում է Բագրատ արքեպիսկոպոս Գալստանյանի կոչը, որը խրախուսում է բնակչությանը քաղաքացիական անհնազանդության ակցիաներ իրականացնել»։

«Գալստանյանը, որը Տավուշի թեմն է ներկայացնում, շարասյունն առաջնորդեց մայրաքաղաք, որտեղ հարյուրավոր մարդիկ արդեն նրան սպասում էին քաղաքի կենտրոնում»,- գրում է մամուլը։

Ուշագրավ է, որ եվրոպական մամուլը ուշադրություն է դարձնում նաև շարժման սիմվոլիզմին, մասնավորապես, Սրբազանի սպիտակ հագուստին, որով նա մտավ Երևան և Հանրապետության հրապարակում մեծ հանրահավաքին ելույթ ունեցավ:

Վիկա Աբգարյան

Առավել մանրամասն` այստեղ.

 https://t.me/arm24live