«Իշխանություններն առաջիկայում շատ անակնկալներ ունեն ստանալու». Սրբազան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տավուշի թեմի առաջնորդ Բագրատ Սրբազանը խնդրեց երթի մասնակիցներին դրսում սպասել, իսկ ինքը մի խմբի հետ բարձրաձավ Ժուռնալիստների միության շենք: Այստեղ նրան դիմավորեց Ժուռնալիստների միության նախագահ, «168.am»-ի գլխավոր խմբագիր Սաթիկ Սեյրանյանը:

Նա շնորհակալություն հայտնեց այցի համար եւ ասաց. «Տեսնում եք, որ լրագրողները բավական ծանր պայմաններում են աշխատում: Նույնիսկ 2018-ին եթե նման բռնություններ տեղի ունենային, պատկերացնում ենք՝ ինչ կլիներ: Ցավալիորեն, միջազգային որոշ կազմակերպություններ դեռ լռություն են պահպանում: Արդեն ունենք տուժող լրագրողներ, այդ դեպքերի կապակցությամբ Ժուռնալիստների միությունը հանդես է եկել հայտարարությամբ, դիմել իր եվրոպացի գործընկերներին:

Լրատվամիջոցները լուրջ թիրախի տակ են, ինչպես դուք եք թիրախավորված:

Civilnet-ը փաստերի ստուգման հարթակով կարեւոր հրապարակում էր պատրաստել, որ մի քանի տասնյակ կայքեր են բացվել, 2018-ին գործող կայքերը վերագործարկվել են եւ հազարավոր դոլարներ են ծախսել ձեր դեմ թիրախավորված հակաքարոզչություն անելու համար: Նույն ձեւով, երեկ էլ նկատեցի, որ քաղհասարակության ներկայացուցիչներից թիրախավորում են լրատվամիջոցներին, լրագրողներին: Ես իմ գործընկերներին կոչ եմ անում զերծ մնալ էմոցիաներից, որ կարողանանք ճշմարտությունը տեսնել:  Ողջունում ենք շարժումը ձեր նախաձեռնությամբ»:

Բագրատ Սրբազանն իր հերթին շնորհակալություն հայտնեց լրագրողական համայնքի  եւ ասաց. «Ոչ մի բան մեզ մեր ճանապարհից հետ չի դարձնելու: Մարդիկ  գնահատում են ճշմարտության պայքարը եւ ուզում են կրել այդ պայքարը իրենց վրա: Որքան շատ, այնքան լավ»:

Նա հայտարարեց, որ իշխանություններն առաջիկայում շատ անակնկալներ ունեն ստանալու. «Անցյալ օրը տեսաք դիվանագիտական կորպուսը, որը չկարողացան հանդուրժել:  Դիվանագետները դասալիք են, Սրբազանը գործակալ է, Գառնիկը մասոնական է, Սուրենը 4-րդ պետության կողմից ներդրված է, 5-րդ շարասյուն է: Մենք բոլորս երկիրը քայքայած մարդիկ ենք, բայց մի փաստ կա, որ իրենք չեն կարող հրաժարվել. 2023 թվականի սեպտեմբերի 22-ին ՄԱԿ-ի ԱԽ նիստում Արարատ Միրզոյանն ասում է մի բան, իրեն հերքում է թշնամի երկրի ԱԳ նախարարը՝ հղում անելով Արարատ Միրզոյանի վարչապետին: Սա պետության նկարագիր է: Սրա հերքումը, մերժումը կարո՞ղ են տալ: Չեն կարող, եւ շատ բան չեն կարող: Առաջիկայում կտեսնեն բժշկական համայնքները, փաստաբանական, իրավաբանական, կտեսնեն տնտեսագետներին, կրթության մշակներին:

Մարդիկ ուզում են ազատագրվել ստի ու չարիքի պատճառից եւ այդ պատճառը մեկ հոգի է, որը ստրկացրել է բոլորին: Ի՞նչ ուժով՝ ես չգիտեմ: Այդ մի հոգին պետք է գնա, պետք է արմատախիլ արվի:

Մարդիկ են մոտեցել ինձ, ասում են՝ եթե այս անգամ էլ չհաջողի, մենք էստեղ չենք մնալու, գնալու ենք: Այդքան ծայրահեղ վիճակի եք հասցրել պարզ մարդկանց»:

Առավել մանրամասն` այստեղ.

 https://t.me/arm24live