Հինգ սարսափելի սխալ՝ մաշկի և մազերի խնամքի հարցում
Life
Դու բավականին շատ ժամանակ ու փող ես ծախսում լավ տեսք ունենալու համար, բայց հաճախ այդ բոլոր ջանքերն ապարդյուն են լինում՝ խնամքի մասին տարածված սխալների ու մոլորությունների պատճառով:
1. Մշտապես փորձարկումներ ես անում կոսմետիկայի հետ
Մենք հավատում ենք, որ դու պաշտում ես կոսմետիկան ու պատրաստ ես գնել բոլոր այդ սրվակները: Բայց քեզ համար թերեւս անակնկալ կլինի իմանալ, որ խնամքի միջոցների հաճախակի փոփոխությունը կարող է մաշկի խնդիրների, ալերգիայի ու ցանի պատճառ դառնալ: Եթե դու գտել ես որեւէ քսուք, որը քեզ հարմար է, հավատարիմ մնա դրան: Հակառակ տարածված տեսակետին՝ մաշկը կոսմետիկ պրոցեդուրաներին «չի սովորում», այնպես որ ավելի լավ է օգտագործիր այն որակյալ քսուքներ, որոնց քո մաշկն արդեն սովոր է ու մեկից մյուսը մի անցիր:
2. Սխալ ընտրված տոնային քսուք
Եվս մեկ անակնկալ՝ տոնային քսուքը պետք է ընտրել ոչ միայն մաշկի գույնով, այլեւ դրա տեսակով: Եվ դա շատ կարեւոր է: Ամեն ինչ հեշտ է՝ չոր մաշկին հարմար չէ յուղոտ մաշկի համար նախատեսված տոնային քսուքը եւ նաեւ հակառակը: Ինչպես ընտրել, եթե քսուքի վրա ոչ մի նշում չկա այդ մասին: Կարդացե՛ք այդ քսուքի մասին արձագանքները ու խորհրդակցե՛ք գնում կատարելիս. միայն այդպես:
3. Սանրում ես խոնավ մազերը
Սկզբում սանրում ես խոնավ մազերը, իսկ հետո էլ զարմանում, որ դրանց ծայրերն այդքան արագ են ճյուղավորվում: Մազերը ավելորդ անգամ չվնասելու համար նախ լավ չորացրու դրանք սրբիչով՝ առանց տրորելու, հետո մի քիչ չորացրու վարսահարդարիչով եւ միայն դրանից հետո սանրվիր:
4. Ձեռքերով դիպչում ես դեմքիդ
Դեմքին ձեռքերով դիպչել կարելի է միայն երբ տանն ես ու մինչ այդ լավ լվացել ես ձեռքերդ: Տրանսպորտում, փողոցում, աշխատավայրում աշխատեք չդիպչել մաշկին ու ազատվել դեմքը ափով տրորելու վատ սովորությունից: Դրա պատճառով են հենց պզուկներ առաջանում:
5. Չափից հաճախ ես սկրաբներ օգտագործում
Համաձայն ենք, որ մաշկը մաքրելը գեղեցիկ մաշկի հիմքն է, բայց բավական է դեմքը սկրաբով տրորել: Ու առավել եւս իմաստ չունի դա ամեն օր անել, քանի որ ոչ մի օգուտ դրանից չի լինի, դու միայն կխախտես բնական pH-ը ու մաշկի իմունիտետը: Եթե սկրաբ, ապա շաբաթական 1-2 անգամը բավական է:
Աղբյուրը՝ Cosmo
1
2
3
4
5
1
2
3
4
5
5
