Առաջին ամուսնությունից տղամարդու երեխան կարող է դառնալ հարազատ

Ապագա ընտանիքի մասին խոսելիս ցանկանում ես ամեն ինչ պատկերացնել վարդագույն երանգներով: Հանդիպում, սեր առաջին հայացքից, ժամադրություններ, առաջարկություն մատանի, հարսանիք, եկեղեցի, երեխաներ. ու ապրեցին նրանք երկար ու երջանիկ: Բայց իրական կյանքում այդպիսի «քաղցր» կյանք գրեթե չի լինում: Ու հաճախ մենք ստիպված ենք համակերպվել այն փաստի հետ, որ մինչեւ քեզ հետ հանդիպելը տղամարդն ունեցել է բուռն անցյալ: Հաճախ ձախողված ամուսնություններց որպես «ժառանգություն» երեխաներ են մնում:

Սկզբում թվում է, որ դա խնդիր չէ: Ամենահետաքրքիրը սկսվում է ավելի ուշ: Ինչպե՞ս քեզ  պահես երեխայի հետ: Իհարկե կարելի է ճնշում գործադրել տղամարդու վրա, խանդի տեսարաններ սարքել նախկին կնոջ ու երեխայի հանդեպ: Բայց պետք չէ մոռանալ, որ այդ փոքրիկը մեզ համար դեռ օտար է: Ամուսնու համար նա հարազատ է ու սիրելի: Այնպես որ, եթե դու իսկապես սիրում ես քո տղամարդուն, պետք է գոնե լավ վերաբերես նրա մանկիկին: Բայց այդ կանոնի հակառակ տարբերակը չի գործում: Երեխան չի սիրի քեզ միայն նրա համար, որ այդպես է որոշել հայրը: Ավելի շուտ նա կմեղադրի քեզ, որ հայրն ու մայրը միասին չեն: Գնել նրա վստահությունը` խաղալիքներով, կոնֆետներով ու քմահաճույքները կատարելով,  հեշտ է, բայց իսկական արդյունքի դրանով  երբեք չես հասնի:

Ավելի շուտ երեխան կնստի «ձեր վզին», կդառնա քմահաճ ու ձեզ կընկալի, որպես իր խաղալիքներից մեկը: Այստեղ պետք է լինել զգուշավոր ու համբերատար: Երեխային անկեղծ վերաբերվիր, քանի որ երեխաները ռադիոտեղորոշիչների նման ենթագիտակցան մակարդակով ընկալում են իրենց նկատմամբ վերաբերմունքը: Պետք չէ նրան վատ խոսքեր ասել, բարի մղումներից դրդված: Հիշեք, ինչեւէ, դա քո երեխան չէ: Թող նրան դաստիարակեն ծնողները: Իհարկե, լինում են պահեր, որ լռել չի ստացվում: Բայց սկզբնական շրջանում հասկացրու քո տղամարդուն, որ նա պատժի փոքրիկ խուլիգանին:

Հետո, երբ երեխան ձեզ ընդունի, դուք ինքներդ կարող եք նրան զգուշորեն նկատողություններ կատարել: Բայց մի պահանջեք երեխայից ավելին, հիշեք, նրա համար շատ դժվար է ընդունել ձեզ, որպես բարեկամ ու առավել եւս ընդունել ձեզ, որպես իր ընտանիքի անդամ: Ոչ մի դեպքում վատ մի արտահայտվիր նրա մոր հասցեին, եթե նույնիսկ ինքն է նրանից բողոքում: Նրան դա կարելի է, բայց քեզ` ոչ: Ինչ էլ պատահի, նա իր մոր հասցեին արված ամենաաննշան դիտողությունը քեզ չի ների:

Արգելքներ մի ստեղծիր երեխայի համար հոր հետ շփվելու հարցում, այլապես նա քեզ կատի:

Եթե նրանք ուզում են միասին համերգի գնալ, թող գնան, եթե նույնիսկ դու ցանկություն ունես ընկերակցել նրանց: Փոխարենը դու երեխայի հետ կարող ես գնալ կրկես, մանկական սրճարան կամ կարուսել: Երեխան կհավաստիանա, որ դու իրեն անկեղծ սիրում ես ու կեղծավորություն չես անում հանուն հոր: Գովիր նրան, ոչ մի դեպքում մի շրջվիր, երբ նա ցույց է տալիս իր նկարած մեքենան: Իսկ եթե նա նվիրի քեզ նկարը, կախիր այն պատից, ցույց տուր, որ այն քեզ համար կարեւոր է:

Եթե երեխան քեզ սիրի, ապա ամուսինդ երախտապարտ կլինի այն բանի համար, որ դու նրան չես կանգնեցրել սիրելի կնոջ ու երեխայի ընտրության առջեւ: Այդ ընտրությունը միշտ չէ, որ  քո օգտին կարող է լինել: Եթե նույնիսկ տղամարդը քեզ ընտրի, ապա միշտ կմեղադրի երեխայից բաժանելու համար:

Ես, մի անգամ, հետաքրքիր տեսարանի ականատեսն եղա: Երիտասարդ կինն ու տղամարդը փոքրիկ աղջկա ձեռքը բռնած քայլում էին: Իսկ նա ծիծաղում էր ու գոռում «նա իմն է», իսկ հայրը պատասխանում էր. «ոչ` իմն է»: Դրանից հետո նեղացած աղջիկը սեղմեց շուրթերը ու դիմեց կնոջը. «Ասա նրան, Կատի»: Աղջիկը տղամարդու առաջին ամուսնությունից ծնված երեխան էր, բայց դա ոչ մի նշանակություն չուներ`  նա նախընտրել էր զբոսանքի դուրս գալ հոր հարսնացուի հետ: