Ինչ է հայտնի Իսրայելի տարածքի վրա Իրանի հարձակման մասին․ մանրամասներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իրանը անօդաչու սարքերով և հրթիռներով զանգվածային հարձակում է իրականացրել Իսրայելի տարածքի վրա՝ ի պատասխան Դամասկոսում Իրանի դեսպանատան հյուպատոսական բաժնի վրա իսրայելական հարձակման։

Առայժմ Իսրայելում զոհերի և վիրավորների մասին տեղեկություններ չկան։

Իրանցի զինվորականները անօդաչու սարքերով և հրթիռներով հարձակվել են Իսրայելի տարածքի վրա։ Ամերիկյան ABC հեռուստաընկերության աղբյուրների համաձայն՝ հարձակմանը ներգրավվել է 400-500 անօդաչու թռչող սարք և մոտավորապես 150 հրթիռ։

«Ալ Արաբիա» հեռուստաալիքի փոխանցմամբ՝ անօդաչու սարքերը գործարկվել են Իրանի արևմտյան նահանգներից, այդ թվում՝ Քերմանշահից։ Բացի այդ, հաղորդվել է, որ հութիները արբանյակներ են արձակել Եմենից և հրթիռային հարվածներ հասցրել Լիբանանում տեղակայված «Հըզբոլլահի» ստորաբաժանումներից։

Ըստ Sky News Arabia-ի՝ Իրանը գործի է դրել Shahed-238 անօդաչու թռչող սարքեր: ԻՌՆԱ-ն, հղում անելով աղբյուրներին, նույնպես պնդում է, որ բալիստիկ հրթիռներ են արձակվել։

ABC հեռուստաալիքը պնդում է, որ Իրանի հարվածների թիրախը կլինեն միայն իսրայելական ռազմական օբյեկտները։

Ըստ Al Arabiya-ի՝ ամերիկացի եւ բրիտանացի զինվորականները մոտ 100 իրանական անօդաչու թռչող սարք են խոցել։ Բացի այդ, Հորդանանի հակաօդային պաշտպանության ուժերի կողմից խոցվել են Ամմանի օդային թիրախները։

Իրանական IRNA պետական ​​գործակալությունը հայտնել է, որ Իրանի զինված ուժերը «Խայբար» բալիստիկ հրթիռներով հարձակվել են Նեգև անապատում գտնվող Իսրայելի ռազմաօդային ուժերի ավիաբազայի վրա։ Գործակալության տվյալներով՝ բազան լուրջ վնասներ է կրել։ Իսրայելի պաշտպանության բանակի խոսնակ Դանիել Հագարին ասել է, որ տեղանքը նվազագույն վնաս է կրել:

Իսրայելի տարածքում մահվան դեպքեր դեռ չեն գրանցվել։ Իսրայելցի բժիշկները օգնություն են ցուցաբերել 31 մարդու։ Ըստ իսրայելական շտապ բժշկական ծառայության Մագեն Դեյվիդ Ադոմի՝ քաղաքացիների մեծ մասը բողոքել է ծանր սթրեսից կամ փոքր վնասվածքներից, որոնք ստացել են անվտանգ գոտիներ տանելու ճանապարհին:

Իրանի Իսլամական հեղափոխության պահապանների կորպուսը հաստատել է, որ հարձակվել է իսրայելական տարածքի «ներսում» թիրախների վրա՝ ի պատասխան «բազմաթիվ հանցագործությունների», այդ թվում՝ Իսրայելի հարձակմսնը Դամասկոսում Իրանի դեսպանատան հյուպատոսական բաժնի վրա:

Իրանի առաջնորդ և հոգևոր առաջնորդ այաթոլլա Ալի Խամենեին X-ում (նախկինում Twitter) գրել է, որ «չար ռեժիմը կպատժվի»։

Իրանի արտաքին գործերի նախարարությունը հայտարարել է, որ Իսրայելի դեմ հարվածներն իրականացվում են ինքնապաշտպանության նպատակով՝ «ի պատասխան կրկնվող ռազմական ագրեսիայի»։

ՄԱԿ-ում Իրանի մշտական ​​ներկայացուցչությունը խորհուրդ է տվել ԱՄՆ-ին հեռու մնալ Իսլամական Հանրապետության և Իսրայելի միջև հակամարտությունից:

Իրանական Fars գործակալությունը հաղորդել է, որ Թեհրանը կարող է հարվածել Հորդանանի տարածքին, եթե «միջամտելու փորձ կատարի»: Իրանի պաշտպանության նախարար Մոհամմադ Ռեզա Աշտիանին սպառնացել է «ուժեղ պատասխան տալ» նրանց, ովքեր Իսրայելին տրամադրում են իրենց տարածքը կամ օդային տարածքը՝ իսլամական հանրապետության վրա հարձակվելու համար։

Իսրայելի իշխանությունները ապրիլի 13-ի երեկոյան հայտարարեցին ուսումնական հաստատություններում դասերը չեղարկելու և հանրային միջոցառումների մասնակիցների թիվը սահմանափակելու մասին. դրանց կարող է ներկա լինել ոչ ավելի, քան հազար մարդ։

Իսրայելի վարչապետ Բենիամին Նեթանյահուն իր գրասենյակի կողմից իրանական հարվածից անմիջապես առաջ հրապարակած տեսանյութում ասել է, որ հրեական պետությունը պատրաստ է «ցանկացած զարգացումների» և «սառը արյունով և վճռականությամբ կհարվածի նրան, ով հարձակվի իր վրա»:

Իսրայելը դիմել է ՄԱԿ-ի Անվտանգության խորհրդի հրատապ նիստի խնդրանքով: Այն նախատեսված է ապրիլի 14-ին։

Արևմտյան երկրները հանդես եկան ի պաշտպանություն Իսրայելի։ Մասնավորապես, ԱՄՆ նախագահ Ջո Բայդենը Սպիտակ տանը «ազգային անվտանգության թիմի հետ» խորհրդակցելուց հետո հրեական պետությանը հավաստիացրել է անսասան աջակցություն։ ԵՄ դիվանագիտության ղեկավար Ժոզեպ Բորելը Իրանի հարձակումն անվանել է «անընդունելի հարձակում»:

ՄԱԿ-ի գլխավոր քարտուղար Անտոնիո Գուտերեշը դատապարտել է Իրանի հարձակումն Իսրայելի վրա և կոչ է արել անհապաղ դադարեցնել ռազմական գործողությունները:

ԱՄՆ նախագահ Ջո Բայդենը հեռախոսազրույց է ունեցել Իսրայելի վարչապետ Բենիամին Նեթանյահուի հետ։


Առավել մանրամասն` այստեղ.

 https://t.me/arm24live