Լուրջ էսկալացիա չի եղել, փորձում են անկայուն լարված իրավիճակ ստեղծել․ Գեղամասարի նախկին համայնքապետ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկվա կրակոցներով փորձում են անկայուն, լարված իրավիճակ ստեղծել, ավելի շատ զգուշացման նման մի բան է, կոնկրոտ լուրջ էսկալացիա չի եղել։ Այս մասին «Փաստինֆո»-ի հետ զրույցում ասաց Գեղամասարի նախկին համայնքապետ, Սոթքի բնակիչ Հակոբ Ավետյանը՝ անդրադառնալով գիշերը հնչած կրակոցներին։ Ըստ նրա՝ ակնհայտ է, որ կրակոցները կապված են Նիկոլ Փաշինյանի՝ Եվրոպա գնալու հետ։
«Դիրքերի ուղղությամբ են կրակել, գյուղի ուղղությամբ չի եղել։ Գիտեք՝ խուճապային տրամադրություն գյուղում միշտ էլ կա, որովհետև այնպես է ստացվել , որ մենք թույլ կողմ ենք, ու ամեն պահի թուրքը կարող է հարձակվել, ինչ ուզի՝ կարող է անել, երբ ուզի՝ կարող է առաջ գալ, սա էլ կապված է մեր կառավարության թույլ լինելու հետ։ Եթե իրենք դիմադրություն չեն տեսնում՝ ոգևորվում են, իսկ մեր զինվորը, եթե պիտի մտածի, որ կրակելու համար կպատժվի, եթե իշխանությունն այնպիսի տրամադրություն է ստեղծում, որ եթե թուրքը ուզում է՝ ուրեմն պետք է հանձնվի, թե չէ պատերազմ կլինի, դրանով մեր մոտ վախի մթնոլորտ են ստեղծում։ Սա արդեն սխալ վարքագիծ է։ Սրանից էլ իրենք էլ ավելի ագրեսիվ են դառնում ու ինչքան պահանջ ունեն՝ կարղանում են ներկայացնել»։
Անդրադառնալով ԵՄ դիտարդների՝ համայնքում վերահսկողությանը՝ նա ընդգծեց, որ նրանց դերակատարումը միայն արձանագրելն է ու որևէ գործնական դեր չունեն։
«Կարծես կինո նկարեն, էդ պահին նկարում են, հետո գերտերությունները ինչպես ձեռնատու է, այնպես էլ մեկնաբանում են, երբեմն անգամ մեր դեմ են օգտագործում։ Գիտեք, պետք է ստեղծել մի իրավիճան, որ թշմամին չկարողանա կրակել, առաջ գալ, զոհեր ունենա։ Թե հիմա ով՝ ինչ հետաքրքրություն ունի այստեղ, ինչ է արձանագրում, աշխարհաքաղաքական հարցերով ով՝ ինչպես է օգտագործում՝ մեզ համար երկրորդական հարց է։ Առաջին հերթին մեզ անվտանգություն է պետք, որը միանշանակ ԵՄ դիտորդները չեն տալիս։ Երբ կրակում են՝ ԵՄ դիտորդներն այդտեղ անելիք չունեն»,-ասաց Ավետյանը։
Առավել մանրամասն` այստեղ.
1
2
3
4
5
1
2
3
4
5
1
2
3
4
5
