Ոսկեպարի սպանդն իրականացրել են խորհրդային բանակն ու ադրբեջանական ՕՄՈՆ-ը․ Greek City Times

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հունական Greek City Times պարբերականը հրապարակել է հոդված հայկական Ոսկեպար գյուղի մասին, ներկայացնելով 90-ականներին տեղի ունեցած իրադարձությունները՝ ականատեսների վկայությամբ։ Ըստ այդմ, 91 թվականի մայիսի 5-ի լույս 6-ի գիշերը խորհրդային 4-րդ բանակի ստորաբաժանումները, որոնք տեղակայված էին այն ժամանակվա Խորհրդային Ադրբեջանի տարածքում եւ ադրբեջանական ՕՄՕՆ-ը, կիրառելով ուղղաթիռներ, տանկեր եւ ծանր հրետանի, արգելափակում են  Խորհրդային Հայաստանի Ոսկեպար գյուղի մատույցները եւ մտնում գյուղ։ Գյուղում խորհրդային բանակի զինվորականներն ու ադրբեջանցի ՕՄՕՆ-ականները պայթեցրել են մեկ ավտոմեքենա, որի պատճառով զոհվել է երկու մարդ, յոթ մարդ էլ՝ բոլորը խաղաղ բնակիչներ, ստացել են ծանր վնասվածքներ։

Իմանալով տեղի ունեցածի մասին, Նոյեմբերյանի շրջանային ոստիկանության ծառայողները, ինչպես նաեւ երեք խաղաղ բնակիչ անտառով փորձում են գյուղ մտնել, որպեսզի պաշտպանեն խաղաղ բնակիչներին։ Նրանցից տասնմեկը գազանաբար սպանվում է, մյուսները գերի են վերցվում եւ տարվում այն ժամանակվա Ադրբեջանական ԽՍՀ Կիրովաբադի, ներկայիս՝ Գյանջայի բանտ։ Խորհրդային բանակի զինվորները նաեւ բռնում եւ ադրբեջանական հատուկ նշանակության ջոկատայիններին են փոխանցում 45 հայ ոստիկանների, որոնք պաշտպանում էին գյուղը։ Վերջիններս եւս ադրբեջանական բանտում անմարդկային կտտանքների են ենթարկվում։

Պարբերականը նշում է, որ այսօր դեպի Ոսկեպար տանող ճանապարհը խիստ տարբերվում է այն ժամանակվա ճանապարհից՝ այսօր ճանապարհին զարթոնք ապրող բնությունն է, ծաղկած ծառներով, ճոխ կանաչով, թեթեւ քամիով։ 33 տարի առաջ մայիսի 6-ին Նոյեմբերյանի ոստիկանության 20 աշխատակիցներ եւ նրանց 3 ընկերները հայտնվեցին ծուղակում, որը նրանց դեմ լարել էին խորհրդային բանակն ու ադրբեջանական հատուկ ջոկատայինները։ Պարբերականը ներկայացնում է ականատեսների հիշողությունները՝ կապված այդ ահավոր իրադարձությունների հետ։