Գեղարքունիքի 16 գյուղական համայնքներում «ԻՖԱԴ»-ը կնորոգի խմելու եւ ոռոգման ջրատար ցանցեր
Հասարակություն
Գեղարքունիքի մարզի 16 համայնքներում այս տարի ՀՀ կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի կողմից կիրականացվեն խմելու եւ ոռոգման ջրատար ցանցերի նորացման եւ կառուցման լայնածավալ աշխատանքներ:
Ինչպես «Արմենպրես»-ին տեղեկացրեց ՀՀ կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի շինարարության բաժնի ղեկավար Ավետիք Պալյանը, 2016 թվականի ընթացքում խմելու ջրի մատակարման ներքին ցանցի հիմնանորոգման աշխատանքներ կիրականացվեն Վարդաձոր, Վերին Գետաշեն, Մեծ Մասրիկ, Արտանիշ, Զոլաքար գյուղերում: Ոռոգման համակարգերի նորոգման կամ կառուցման ծրագրեր է նախատեսվում իրականացնել Լանջաղբյուր, Գանձակ, Վաղաշեն, Մադինա, Սոթք, ԼուսակունÖ „, Վարդենիկ, Մաքենիս, Ծովակ, Լճավան, Մեծ Մասրիկ, Նորատուս գյուղերում:
«Այժմ խմելու ջրի մատակարարման համակարգի նորացման եւ բարելավման ծրագրերի իրականացման համար Վարդաձորում, Զոլաքարում, Մեծ Մասրիկում, Արտանիշում եւ Վերին Գետաշենում կազմվում են նախագծման փաստաթղթերը, իսկ ոռոգման ցանցերի նորացման ու կառուցման ծրագրերում ընդգրկված համայնքներում կատարվում են ուսումնասիրություններ եւ նախնական գնահատումներ: Նախագծման եւ գնահատման աշխատանքներից հետո պարզ կդառնան Գեղարքունիքի մարզում ներդրվող գումարի չափը, ինչպես նաեւ շինարարության ընթացքի հստակ ժամկետները»,-նշեց Ավետիք Պալյանը:
1
2
3
4
5
1
2
3
4
5
1
2
3
4
5
