Գեղեցկությունը և ազգային առանձնահատկությունը

Shabat.am-ը գրում է.

Իտալուհիններն իրենց նուրբ մաշկի ու փայլուն մազերի համար պարտական են նշի յուղին: Ասում են, որ Եկատերինա Մեդիչիի բոլոր սնուցող դիմանկները պատրաստվում էին նշի ձեթով, որի շնորհիվ էլ նա ուներ մետաքսյա մաշկ:

Գիտնականներն ապացուցել են, որ նշի ձեթը, վիտամին E-ի բարձր բաղադրության շնորհիվ, լավացնում է մաշկի գույնը: Այդ ձեթը նաև լավ միջոց կարող է հանդիսանալ դիմահարդարումը մաքրելու համար: Իսկ փայլուն մազեր ունենալու համար կարելի է մազարմատները մերսել նշի ձեթով: Շատ լավ խառնուրդ կստացվի 4 ճաշի գդալ ձեթից և կես կիտրոնի հյութից: Այս խառնուրդով կարելի է մերսել մազարմատները` մազերը լվանալուց առաջ:

Իսկ Անգլիայում մի ընդունված սովորություն կա, որը հարյուրամյակներ շարունակ փոխանցվել է սերնդեսերունդ. թեյ ուղիղ ժամը 5-ին: Իսկ այս ծիսակատարությունից հետո թեյի փաթեթիկները պետք չէ թափել, պահեք սառնարանում և առավոտյան 2-3 րոպե դրեք կոպերի վրա: Այս պրոցեդուրան օգնում է ազատվել աչքերի տակ եղած պարկերից ու թարմեցնում և արթնացնում է քնից:

Անգլիացիների մոտ ընդունված է առավոտյան նախաճաշին անպայման ուտել տարեկանի փաթիլներ, քանի որ դրանք պարունակում են B խմբի բոլոր վիտամինները: Բացի այդ, տարեկանի փաթիլներից նրանք պատրաստում են նաև սնուցող դիմակներ: Դրա համար անհրաժեշտ է վերցնել 4 ճ.գ. տարեկանի փաթիլ և 2 գ. սերուցք: Սերուցքի մեջ լցնել փաթիլները և թողնել այնքան ժամանակ, մինչև փաթիլներն ուռչեն: Այս խառնուրդը դեմքին թողնել 20ր., իսկ դիմակը մաքրել սկզբում անձեռոցիկով, այնուհետև դեմքը ցայել սառը ջրով: Այս դիմակը դեմքին հաղրդում է արտակարգ նրբություն:

Հույն կանայք տնային պայմաններում շատ լավ սկրաբ են պատրաստում, որի համար անհրաժեշտ է ծովի մաքուր ավազ, ծովի աղ ու այնքան զեյթունի ձեթ, որ ստացվի մածուցիկ խյուսանման զանգված: Դրանից շատ լավ պիլինգ է ստացվում: