Ադրբեջանը ճնշում է գործադրում Հայաստանի իշխանությունների վրա, որպեսզի նրանք հրաժարվեն միջպետական հայցերից․ Սահակյան
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ադրբեջանը ճնշում է գործադրում Հայաստանի իշխանությունների վրա, որպեսզի նրանք հրաժարվեն միջպետական հայցերից։ Այս մասին այսօր հրավիրված մամուլի ասուլիսին ասաց Միջազգային եւ համեմատական իրավունքի կենտրոնի նախագահ Սիրանուշ Սահակյանը։
«Այն մոտեցումն էլ, որ Ադրբեջանն էլ հավասար հիմունքներով կհրաժարվի Հայաստանի դեմ հայցերից, ամենեւին էլ տեղին փաստարկ չէ, որովհետեւ մենք չունենք սիմետրիկ վիճակ։ Եթե լիներ երկկողմանի ագրեսիա, երկկողմանի հանցագործություններ լինեին կամ զավթումներ լինեին, երկկողմանի էթնիկ զտումներ լինեին, եւ երկու կողմերն էլ իրավիճակի նկատմամբ հավասար մոտեցում ցուցաբերեին, միգուցե սա ընդունելի լիներ։ Սակայն մենք ոչ հավասար իրավիճակում ուզում ենք ունենալ հավասար լուծումներ, ինչն անխուսափելիորեն ծնելու է անարդարություն»,- նշեց Սահակյանը։
Նրա խոսքով՝ օրինակ՝ ՄԱԿ-ի միջազգային դատարանում կողմ չեն կարող լինել անհատները, պետությունները պետք է լինեն կողմեր, ինչն էլ էական ազդեցություն կունենա իրավական գործընթացների վրա․ «Օրինակ՝ ռասիստական խտրականության ձեւերի խնդիրներ անհատները կամ տուժողները չեն կարող ներկայացնել ՄԱԿ-ի դատարան։ Եվ ՄԱԿ-ի դատարանի կողմից ընդունված ակտերը ոչ միայն ունեն իրավական պարտադրականություն, այլ կարող են գգեներացնել լուրջ քաղաքական ճնշում»։
Սահակյանն ընդգծեց, որ թերեւս իրավական գործողությունների հնարավորություն կա ՄԻԵԴ-ում, որտեղ եւ՛ միջպետական, եւ՛ անհատական գանգատների հնարավորություն կա․ «Այս պայմաններում էլ կարծում ենք, որ վնասներն էական են լինելու, ուստի պետք է ձեռնպահ մնալ այդպիսի գործողություններից»։
1
2
3
4
5
1
2
3
4
5
1
2
3
4
5
