Կիմ Չեն Ընը «պատերազմի» հրահա՞նգ է տվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հյուսիսային Կորեայի առաջնորդ Կիմ Չեն Ընն այցելել է զորավարժությունների վայր և կարգադրել մեծացնել ռազմական անձնակազմի մարտունակությունը բարելավելու ջանքերի ինտենսիվությունը։

Ինչպես հաղորդում է ՏԱՍՍ-ը, այս մասին հայտնել է Կորեայի կենտրոնական հեռագրային գործակալությունը։
Նշվում է, որ Կիմ Չեն Ընը մարտի 6-ին այցելել է Կորեայի ժողովրդական բանակի խոշոր բազա՝ երկրի արևմտյան մասում, որը նախատեսված է օպերատիվ վարժանքների համար, որտեղ ստուգել է ուսումնական հաստատությունները և վերահսկել զորամասերի գործնական զորավարժությունները։ 

«Թշնամիների մշտական ​​սպառնալիքը ճնշող ուժով զսպելու, պատերազմ սկսելու ամենափոքր փորձերը հետևողականորեն խափանելու և արտակարգ դրության դեպքում իր վրա դրված կարևոր խնդիրները ճշգրիտ կատարելու համար, մեր բանակը պետք է իր առջև ամենախիստ պահանջները դնի և անընդհատ ավելացնի գործնական վարժանքները՝ արագորեն բարելավելու մարտական ​​պատրաստությունը և լիարժեք պատրաստ լինելու վերահաս պատերազմին՝ համաձայն փոփոխություններին և դրա ժամանակակից ձևերին», - Կիմ Չեն Ինի խոսքերը մեջբերել է գործակալությունը։

ԿԺԴՀ առաջնորդն ընդգծել է, որ բոլոր մակարդակների զինված ուժերը պետք է նոր բուռն շրջան մտնեն «պատերազմին նախապատրաստվելու գործընթացն արագացնելու» նպատակով։ 

Գործակալությունը նշել է, որ տվյալ ռազմավանը հնարավորություն է տալիս վարժանքներ անցկացնել իրական ռազմական բախումներին մոտ պայմաններում։

Հիշեցնենք, որ մարտի 4-ին Հարավային Կորեան և ԱՄՆ-ն սկսել են «Ազատության վահան» լայնածավալ համատեղ զորավարժությունները։ Փհենյանում դա ուղիղ սպառնալիք են համարում։

Առավել մանրամասն` այստեղ.

 https://t.me/arm24live