Իրանը համապարփակ համագործակցության է պատրաստվում ԵՄ-ի հետ. Զարիֆ

Իրանը եւ ԵՄ-ն պատրաստվում են համապարփակ համագործակցության: Այդ մասին, ինչպես տեղեկացնում Է «Արմենպրես»-ը, հայտարարել Է Իսլամական Հանրապետության արտաքին գործերի նախարար Մոհամադ Ջավադ Զարիֆը, որը փետրվարի 15-ին գտնվում Է Բրյուսելում, որտեղ պլանավորված են նրա բանակցությունները Եվրամիության արտաքին գործերի եւ անվտանգության քաղաքականության գերագույն ներկայացուցիչ Ֆեդերիկա Մոգերինիի հետ:

«Իրանը եւ Եվրամիությունը պատրաստ են ձեռնամուխ լինել համապարփակ համագործակցության»,-Զարիֆի խոսքը մեջբերում Է IRNA գործակալությունը: Նա նշել Է, որ բանակցությունները նվիրված են լինելու հարցերի լայն շրջանակի, այդ թվում՝ իրանական միջուկային ծրագրի վերաբերյալ Թեհրանի եւ վեցյակի երկրների (ՄԱԿ-ի ԱԽ-ի հինգ մշտական անդամները եւ Գերմանիան) միջեւ կնքված համաձայնագրի իրականացման՝ հունվարի 16-ին սկսված գործընթացին, եւ Սիրիայում ու Եմենում տարածաշրջանային ճգնաժամերի կարգավորման խնդիրներին: 

Արծարծելով սիրիական ճգնաժամի կարգավորումը, Զարիֆը հայտնել Է Իսլամական Հանրապետության դիրքորոշումը, այն Է՝ «Սիրիայի ժողովուրդը կարիք չունի, որ ինչ-որ մեկն իր փոխարեն որոշում ընդունի»: «Սիրիայի քաղաքացիներն իրենք ի վիճակի են տնօրինել իրենց ճակատագիրը»,-հավելել Է Զարիֆը՝ պատասխանելով իրանցի լրագրողների հարցերին:

Եմենի իրադրության կարգավորման գործընթացը քննարկելիս, ինչպես նշել Է ԱԳ նախարարը, Իրանը մտադիր Է առաջադրել «այս երկրում շարունակվող դաժան պատերազմի եւ նրա վրա Սաուդյան Արաբիայի անօրինական հարձակման հարցը, որը պետք Է դադարեցվի»: «Անհրաժեշտ Է քաղաքական ճնշում գործադրել սաուդյան ռեժիմի վրա, որպեսզի նա հրաժարվի իր ռազմամոլ քաղաքականությունից»,-ընդգծել Է Զարիֆը, հաղորդել Է ՏԱՍՍ գործակալությունը:-0-/56/ 13.35