Խի՞ գնացիր, անթասիբ ազգի համա՞ր. զոհվածի մայր (լուսանկար)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արցախյան 44-օրյա պատերազմում զոհված զինծառայող Մխիթար Գալեյանի հոր՝ Գարիկ Գալեյանի նկատմամբ ընտրված խափանման միջոց տնային կալանքի ժամկետը այսօր ևս երկու ամսով երկարացվեց։

Դատարանը  մերժել էր պաշտպանական կողմի միջնորդությունը՝ թույլ տալ յուրաքանչյուր շաբաթը մեկ այցելել Եռաբլուր՝ որդու շիրիմին։

Գալեյանի կինը` Ասղտիկ Գալեյանը Ֆեյսբուքյան իր էջի սթորի բաժնում զոհված որդու շիրիմի լուսանկարն է հրապարակել` գրելով.

«Խի, խի գնացիր, ո՞ւմ համար, ինչի՞ համար, անթասիբ ազգի՞, չարժեն եւ ոչ մեկը»։

Նշենք, որ ՔԿ-ից հայտնել էին, որ Գ. Գալեյանի անձնական խուզարկությամբ վերջինիս մոտ հայտնաբերվել և վերցվել էր պոլիէթիլենային տոպրակ, որի մեջ առկա է եղել 3 միանման պոլիէթիլենային փաթեթ՝ համապատասխանաբար 1.59 գրամ, 1.51 գրամ և 1.60 գրամ ընդհանուր քաշերով «Մարիխուանա» տեսակի թմրամիջոցի նմանվող յուրահատուկ հոտով դեղնականաչավուն զանգվածներով: Ոստիկանության փորձագիտական կենտրոնից ստացված եզրակացության համաձայն` նրա մոտ հայտնաբերված նյութը հանդիսանում է «Մարիխուանա» տեսակի թմրամիջոց։

ՀՀ քրեական օրենսգրքի 393-րդ հոդվածի 1-ին մասի հատկանիշներով նախաձեռնվել էր քրեական վարույթ, որը միացվել էր ավելի վաղ Գ. Գալեյանի առնչությամբ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 195-րդ հոդվածի 2-րդ մասի 5-րդ կետով և 297-րդ հոդվածի 2-րդ մասի 1-ին կետով նախաձեռնված քրեական վարույթին։
Վարույթն իրականացնող մարմնի կողմից կայացվել էր Գ. Գալեյանին ձերբակալելու մասին որոշում:

Առավել մանրամասն` այստեղ.
https://t.me/arm24live