Աշոտյանն իր քաղաքական բառապաշարի և ընդդիմախոսության պատճառով այսօր ճաղերի հետևում է․ Աբրահամյան
ՀՀ իշխանությունից որևէ ակնկալիք չունեմ, որ կարող են Ալիևի սպառնալից հայտարարություններին պատասխանել։ Չեմ կարծում, որ Հայաստանի իշխանությունն այդքան համարձակություն ունի, որ մեր նկատմամբ թշնամաբար տրամադրված երկրներին պատշաճ ձևով արձագանքի, այս թեման երկար ժամանակ քննարկվում է։ Այս մասին ԱԺ ճեպազրույցների ժամանակ լրագրողի հարցին ի պատասխան հայտնեց ԱԺ «Պատին ունեմ» խմբակցության քարտուղար Տիգրան Աբրահամյանը։
«Եթե նկատել եք, իշխանությունն ամենադաժան, ամենաանբարոյական միջոցները գործադրում է, երբ թեման վերաբերում է ներքաղաքական իրադարձություններին, հատկապես իշխանության պահպանման հետ կապված հարցերին։ Որպես դրա հետևանք, Հայաստանում մեծ թվով քաղբանտարկյալներ կան՝ սկսած Արմեն Աշոտյանից, որն իր քաղաքական բառապաշարի և ընդդիմախոսության պատճառով այսօր ճաղերի հետևում է, վերջացրած Մամիկոն Ասլանյանով, Նարեկ Մալյանով, արցախցիներով, որոնց անուններն այսօր հասարակությունը չգիտի, բայց նրանք գտնվում են ճաղերի հետևում։ Ադրբեջանի հետ բանակցային գործընթացում ՀՀ իշխանության պահվածքը կարելի է որակել որպես ստորաքարշության դրսևորումներ։ Ադրբեջանի ղեկավարը տարիներ շարունակ, մասնավորապես 2020 թվականից հետո, փորձում է ամենավերջին վիրավորական արտահայտություններով խոսել ոչ միայն իշխանության տարբեր դեմքերի, այլև հայ ժողովրդի մասին»,- հավելեց նա։
Մանրամասները՝ տեսանյութում
1
2
3
4
5
1
2
3
4
5
3
