Աշակերտուհուց ականջօղեր հափշտակելու փորձի առթիվ քրգործ է հարուցվել
Հասարակություն
Լոռու մարզային քննչական վարչությունում Վանաձորի թիվ 1 հիմնական դպրոցում աշակերտուհիներից մեկից ոսկյա ականջօղեր կողոպտելու փորձի առթիվ հարուցվել է քրեական գործ: Այս մասին NEWS.am-ին հայտնեցին ՀՀ քննչական կոմիտեի մամուլի ծառայությունից:
Քրեական գործ է հարուցվել ՔՕ 34-176-րդ հոդվածի 2-րդ մասի 4-րդ կետով (կողոպուտի փորձ, որը զուգորդվել է կյանքի կամ առողջության համար ոչ վտանգավոր բռնություն գործադրելով կամ դրա գործադրելու սպառնալիքով):
Խափանման միջոց է ընտրվել ստորագրությունը չհեռանալու մասին: Կատարվում է նախաքննություն:
Ավելի վաղ NEWS.am-ը հայտնել էր, Վանաձորի թիվ 1 հիմնական դպրոցում փետրվարի 11-ին արտակարգ դեպք է տեղի ունեցել: Տարեց մի կին մտել է դպրոց, հետեւել աշակերտուհիներից մեկին, զուգարանում ցավեցնելով փորձել է հափշտակել աղջկա ոսկյա ականջօղերը:
Ըստ տարածված տեղեկությունների՝ 3-րդ դասարանի աշակերտուհին բարձր գոռացել է, նրա ձայնը լսելով` անմիջապես զուգարան է մտել մանկավարժներից մեկը, հանել երեխային այնտեղից, դուռը փակել կնոջ վրա եւ ահազանգել ոստիկանություն:
1
2
3
4
5
1
2
3
4
5
2
