3 ամսից ավելի է՝ անորոշություն․ ընտանիքը հույսը չի կորցնում, որ Հայկը գերեվարվել է
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
2023 թվականի սեպտեմբերի 19-ին, պատերազմից րոպեներ առաջ Նունե Հովսեփյանը զինծառայող որդուց զանգ է ստացել։ Ընդամենը 9 ամսվա ծառայող Հայկը հետաքրքրվել է տնեցիների որպիսությամբ։ Մայրը MediaHub-ին պատմում է, որ դա վերջին խոսակցությունն էր, առ այսօր Հայկից լուր չունեն։
«Պատերազմն ավարտվելուց հետո նախաձեռնեցինք որոնողական աշխատանքները։ Հետո Հայկի համածառայակից ընկերները եկան, մեզ լուրեր հասան, որ նա վիրավորվել է և մնացել անտառում։ Իսկ ավելի ուշ հստակ իմացանք, որ ընկերներից մեկը՝ Արենը մնացել է նրա մոտ, իսկ մյուսները եկել են»,-պատմում է Նունեն։
Որոնողական աշխատանքներն իրականացվում էին բոլոր ուղղություններով, Հայկի ծնողները հնարավոր ու անհնարին բոլոր լծակներն օգտագործել են նրան գտնելու համար, բայց ապարդյուն։ Մի քանի օր հետո ադրբեջանական ԶԼՄ-ները հրապարակում են Արեն Իսանյանին բուժօգնություն ցուցաբերելու տեսանյութը։ Նախորդ տարեվերջին մի խումբ գերիների հետ Արենը ևս վերադարձվեց Հայաստան։
«Նա մեզ շատ բան չպատմեց, ասաց միայն, որ երբ ինքը մնացել է Հայկի մոտ, տղաս վիրավոր էր։ Ոտքերի ցավ ուներ ու դժվար էր կարողանում շարժվել։ Երբ ադրբեջանցիները մոտեցել են Արենին, նա Հայկից հեռու է եղել, միանգամից բռնել, իրենց «մարդասիրական» տեսանյութը նկարել ու տեղափոխել են Բաքու։ Արենն այլ տեղեկություն չունի»,-ասում է մայրը։ Հայկն ընտանիքի առաջնեկն է։ Սովորականից մի քիչ ավելի շատ են սպասել նրա ծնունդին։ Մի ամբողջ գերդասատան մոր հետ պահել ու փայփայել են Հայկին։ Նույն տրամադրությամբ նրան բանակ են զորակոչել ու հույսով սպասում էին վերադարձին։
«Պատերազմը փոխեց ամեն ինչ, հիմա, գիշեր-ցերեկ սպասում ենք։ Հույսս չեմ կտրում, որ գերեվարվել է ու հավատում եմ, որ ինչպես մեր մյուս գերիներին, Հայկիս էլ Ադրբեջանը ողջ ու առողջ կվերդարձնի։ 3 ամսից ավելի է, մեր ընտանիքն անորոշության մեջ է։ Ունենք որոշակի, նախնական տեղեկություններ, որ նա ևս Բաքվում է»,-ասում է նա։ Ընտանիքը ձեռքերը ծալած նստած չէ, համագործակցում են միջազգային իրավապաշտպան կառույցների հետ՝ Հայկ Հովսեփյանի մասին հստակ տեղեկություն իմանալու համար։ Ու աղոթում...
Հունան Թադևոսյան
1
2
3
4
5
1
4
5
1
2
3
4
5
