ՃՇՀԱՀ-ն ամրացման աշխատանքներ է իրականացնում շենքի նկուղային հարկում
Հասարակություն
Ճարտարապետության և շինարարության Հայաստանի ազգային համալսարանը մասշտաբային շինարարական աշխատանքներ է իրականացնում շենքի նկուղային հարկում։ Ինչպես տեղեկացրին ՃՇՀԱՀ-ի մամուլի բաժնից, կարևորելով ուսանողների անվտանգության խնդիրը շենքի սեյսմակայունության առումով, և կրթության որակի բարձացման հարցում նոր լաբորատորիաների ստեղծումը՝ ՃՇՀԱՀ-ի ռեկտոր Գագիկ Գալստյանի նախաձեռնությամբ շենքի նկուղային հարկում իրականացվում են շենքի ամրացման և լաբորատորիաների կառուցման աշխատանքներ։
ՃՇՀԱՀ-ի շենքը կառուցվել է 1956-1957թթ: 2011-ին շենքի նկուղային հարկի միայն ձախ հատվածում իրականացվել են ամրացման աշխատանքներ։ 2014-ի նոյեմբերից մինչև 2015-ի մայիսը նկուղային հարկի ձախ հատվածում բացվել են հիմնանորոգված, արդի պահանջներին համապատասխան դիզայնի լաբորատորիաներ։ Վերանորոգվել և քարե սալիկներով են պատվել այդ լաբորատորիաներ տանող աստիճանավանդակները։
Սեյսմիկ անվտանգության նպատակով այժմ ամրացման աշխատանքներ են տարվում նկուղի աջ հատվածում: Նախատեսվում է այդ հատվածում ևս կառուցել արդի լաբորատորիաներ։ Շինարարական աշխատանքներն իրականացվում են Հայաստանի շինարարների միության աջակցությամբ։
2015-ի սեպտեմբերի 1-ին ուսանողները կունենան սեյսմակայուն շենք և նոր հագեցված լաբորատորիաներ։
1
2
3
4
5
1
2
3
4
5
1
2
5
