Մնում է, որ գյուղացին Ադրբեջանի հարկերն էլ վճարի․․․
ՎերլուծությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
2023 թվականի փետրվարից Տեղ գյուղից արդեն ձայներ էին հասնում, որ գյուղի բնակիչներն անսպասելիորեն բացահայտում են, որ ադրբեջանցիները մտել են իրենց ցորենի դաշտերը, քանդում են մշակած հողերն ու դիրքեր փորում։ Իրենց վարած ցորենի դաշտում ադրբեջանցիներ են։ Ցանքատարածքը կորցրած Տեղ գյուղի բնակիչներից մեկն ասում էր, որ գնացի տեսա ցանածս արմատախիլ են արել, ցանած ցորենս սաղ հանել են, խրամատներ են փորում, էլ ի՜նչ՝ սուսուփուս հետ եկա։ Հիմա թե ոնց են առաջ եկել, ինչու են առաջ եկել, հնարավոր չի լինելու այս իշխանության օրոք պարզելու, բայց որ Տեղ գյուղի բնակիչների մի մասը կորցրել է իր ցանկատարածքները, փաստ է։ Արոտավայրերը ևս գյուղը կորցրել է և տեղեր կան, որ հնարավոր չէ այլևս անասուն պահել։ Բայց այդ մասին գյուղացին վախվորած է ասում, այն ժամանակ էլ, հիմա էլ չեն ուզում, որ իրենց անունները հրապարակվեն։ Այսինքն քիչ է, որ ադրբեջանական թիրախի տակ են, հիմա էլ վախենում են իրենց ընտրած իշխանության թիրախից։
Սյունեցիների ահազանգերից ժամեր անց՝ ԱԱԾ-ն հաստատել է, որ ադրբեջանցիները սահմանային հինգ կետերում առաջ են եկել դեպի Հայաստանի տարածք, նշելով, թե Բաքուն դրանով խախտել է նախօրեին ձեռք բերված պայմանավորվածությունները։
Հիմա ես դիրքերի, ցանքավայրերի կորուստի մասին չեմ խոսելու, որը մինչև օրս էլ գտնվում է ադրբեջանցիների վերահսկողության տակ։ Գյուղացու հացը կտրել, ցանքատարածքը թշնամին ոտնատակ էր տվել, այնտեղ վրաններ տեղադրել, դիրքեր ամրապնդել։ Բայց դա չխանգարեց, որ իշխանությունը կրկնակի բարձրացրած հողի հարկը գանձի ցանքատարածքը, հացը կորցրած գյուղացուց։ Եթե դա արվել է քաղաքական նկատառումով, թե իբր տեսեք՝ հողը մերն է, պետությունը կարող էր իր թույլ տված շռայլությունների մի փշրանքով այդ հարցը կարգավորել՝ իր վրա վերցնել։ Խիղճն էլ լավ բան է։ Մնում է, որ գյուղացին Ադրբեջանի հարկերն էլ մուծի․․․
Հիմա քանի որ համատարած լռություն է, ոչ մեկից չես կարող ճշգրիտ տեղեկություն իմանալ, ուզում եմ իմանալ՝ գյուղացին այս պահի՞ն էլ է ինքը հարկերը մուծում, թե այդ խայտառակությունը կարգավորվել է։ Ու կարևորը՝ պետությունը գյուղացու փոխարեն հարկ մուծու՞մ է, այսինքն իրե՞նն է համարում այդ տարածքը, թե առանց հարկ մուծելու է այդ հարցը կարգավորել ու տարածքների հարցը հորով-մորով արել։
Խոսքը միայն Տեղ գյուղի մասին չէ, այլ Սյունիքի այն ցանքատարածքների, որոնք հայտնվել են Ադրբեջանի նշանառության տակ ու գյուղացու կողմից հնարավոր չէ օգտագործել։
1
2
3
4
5
1
3
4
5
1
2
