Ինչ կրճատումներ են սպասվում մարզպետարաններում․ում կկրճատեն մարզպետները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տարածքային կառավարման և ենթակառուցվածքների նախարարության բյուջեն գալիք տարում կկազմի 173 մլրդ դրամ, որի 31 տոկոսն ուղղվելու է կապիտալ, իսկ 77 տոկոսը` ընթացիկ ծախսերին: Այստեղ 4 մլրդ դրամով նախորդ տարվա համեմատ նվազում կա: 

Մարզպետարաններին հատկացվելու է 6 մլրդ 344 մլն դրամ, որը նախորդ տարվա համեմատ մի փոքր նվազել է` կապված հաստիքների կրճատման հետ: Ինչ կրճատումների մասին է խոսքը, հատկապես որ հաստիքների, փորձեցինք պարզել մարզպետարաններից: Պարզվում է՝ նախագիծը, որ ուժի մեջ է  մտնում հունվարի 3-ից , մարզպետարանների աշխատակիցների մոտ արդեն իսկ խուճապային տրամադրություն է ստեղծել:Հայեցողական պաշտոններից մինչև քաղաքացիական ծառայողական պաշտոններ վտանգված են: Մարզպետարանների մեր աղբյուրների հավաստմամբ՝ յուրաքանչյուր աշխատակից այս պահին դողում է իր աշխատանքի համար․ «Այս որոշմամբ լուրջ հաստիքների կրճատում է նախատեսվում, մեր մոտավոր հաշվարկով յուրաքանչյուր մարզում շուրջ 10-15 մարզպետարանի աշխատակից կզրկվի աշխատանքից: Եւ ամենավատն այն է, որ թիրախում կրկին ցածր կամ միջին օղակն է, վարչությունների թիվը չի կրճատվելու, վարչության պետերը նույնպես, հնարավոր է՝ առանց կարևորությունը հաշվի առնելու, օրինակ աշխատանքից ազատեն ավագ կամ միջին մասնագետի, ում դերը կարևոր է, եւ ինչպես միշտ անձեռնմխելի լինեն  հայեցողական պաշտոնները, որոնց գիտենք՝ ինչ սկզբունքով են նշանակվում»,-ասաց մեր զրուցակիցը, ով իր աշխատանքի համար նույնպես խիստ անհանգստացած է:

Համեմատության համար նշենք, որ այս պահին Շիրակի մարզպետարանում 132 աշխատակից է գրանցված, որտեղից մեզ փոխանցեցին, որ դեռևս հաստիքացուցակները վերանայելու անհրաժեշտություն չի առաջացել , կքննարկեն ավելի ուշ:

Արագածոտնի մարզպետարանի աշխատակազմի թիվը 92-է, եւ ըստ աշխատակիցների՝ չի բացառվում, որ կրճատումների չգնան, այլ պահելով իրենց՝ հարցն այլ տարբերակով լուծեն, սակայն ոչինչ չի բացառվում: Սյունիքի մարզպետարանում նույնպես դեռևս անորոշություն է․ «Հունվարի 3-ից հետո միայն կհասկանանք՝ ում ազատել, ում թողնել,թե աշխատողների քանի տոկոսն է աշխատանքից ազատվելու, ոչինչ չենք կարող ասել, քանի դեռ քննարկումներ չեն եղել, իսկ դա հունվարին: Ընդհանուր ասեմ, որ օրենքը վերաբերվում է եւ հայեցողական պաշտոն զբաղեցնողներին,  եւ վարչությունների աշխատողներին»,- hraparak.am-ին ասաց Սյունիքի մարզպետարանի հասարակայնության հետ կապերի վարչության պետ Գրիգոր Թադևոսյանը:

Նկատենք, որ յուրաքանչյուր մարզում աշխատողների թվաքանակը տարբեր է: Օրինակ՝ Արմավիրի մարզպետարանում 85 աշխատակից  է գրանցված, Գեղարքունիքի մարզում հաստիքացուցակով 142 աշխատող կա, Լոռու մարզում՝ 112: Ուշագավ է, սակայն, որ չնայած աշխատողների թվի տարբերությանը, մի բանում տարբերություն չգտանք՝ բոլոր մարզպետները՝   առնվազն 2 խորհրդական եւ 2 օգնական ունեն, որոնք, ի դեպ, հայեցողական պաշտոններ են: