«Հայտնաբերվել է» մոլորակի ամենաբաղձալի փեսացուն. աղջիկնե´ր, բաց մի´ թողեք ձեր շանսը (լուսանկարներ)

Այն, որ մարդկանց մի մասը իր երկրորդ կեսին ավելի հաճախ հանդիպում է համացանցում, ոչ ոքի համար գաղտնիք չէ:Ծանոթությունների կայքերը, ֆորումները, չաթերն ու սոցցանցերը անում են իրենց գործը՝ միավորելով անգամ մոլորակի տարբեր ծայրերում գտնվող մարդկանց սրտերը:

Orer.am-ը ձեր ուշադրությանն է ներկայացնում մոլորակի «ամենաբաղձալի» փեսացուի լուսանկարները, ում մասին երևի թե երազում է յուրաքանչյուր աղջիկ:

Վերջերս ծանոթությունների կայքում հայտնվել էր Սանկտ Պետերբուրգից մի տղամարդու հարցաթերթիկ, ով փորձում էր գտնել իր միակին: Բայց ամենաուշագրավն այն է, որ նա որոնում է իսկական արքայադստեր, ում բաժին կհասնի իր թագավորությունը:

Համաձայն տղամարդու պրոֆիլի տվյալների՝ նրա անունը Սերգեյ է, նա 39 տարեկան է ու երազում է հանդիպել 16-20 տարեկան աղջկա հետ՝ երկարատև հարաբերությունների ու ամուր ընտանիք ստեղծելու նպատակով: Բայց սա դեռ ամենը չէ. ռուս մաչոն թվարկում է այն որակները, որ պետք է ունենա իր ապագա կողակիցը:

«Թագավորությունը մեծանում է, իսկ արժանի արքայադուստրն այդպես էլ չկա (առանց վնասակար սովորությունների, արտաքին լավ տվյալներով ու ինտելեկտի առկայությամբ, նա պետք է լինի հավատարիմ, սիրող, առանց ինտիմ անցյալի)»:

Ինչպես տեսնում ենք, ցանկալի փեսացուն հատուկ լուսանկարվում է իր դղյակում, որ երկրպագուհիների մոտ կասկածներ չառաջանան:

Ոչ թե տղամարդ է, այլ իսկական «երազանք»: