2023-ի բյուջեից կհատկացվի ևս 950 մլն դրամ` ԼՂ-ից բռնի տեղահանվածների աջակցության ծրագրերի իրականացման նպատակով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կառավարությունը 2023 թվականի բյուջեից կհատկացնի ևս 950 միլիոն դրամ՝ Լեռնային Ղարաբաղից բռնի տեղահանվածների առաջկցության ծրագրերի իրականացման նպատակով։ Այս մասին քիչ առաջ հայտարարվեց կառավարության հերթական նիստում, որը վարում է վարչապետ Նիկոլ Փաշինյանը։ «Այս նախագծով հատկացնում ենք նաև 420մլն դրամ՝ 100 հազար դրամ միանվագ սոցիալական աջակցության ծրագրին։ Նշեմ նաև, որ 40+10 հազարական դրամ աջակցության ծրագրից արդեն իսկ այս պահին օգտվել է 73196 անձ, նրանցից 69190 անձ ստացել է 40+10 հազարական դրամ, իսկ 3997-ը՝ միայն 10 հազարական դրամ աջակցություն։

Կառավարության կողմից հատկացվող գումարը հնարավարություն կտա շարունակելու հոկտեմբեր ամսվա վճարումները և գումար տրամադրել 19000 անձի, արդյունքում կստացվի, որ 40+10 հազար աջակցության ծրագրի շահառուների թիվը կդառնա ավելի քան 92000։ Իսկ 100 հազար դրամների ծրագրին տրամադրվող 420 մլն դրամը մեզ թույլ կտա իրականացնել շուրջ 4200 անձի համար վճարումներ և սրանց գերակշիռ մասը անչափահասներ են, որոնց ծնողները երեխաների համար դիմումներ են ներկայացրել։ Ընդահնուր առմամբ, այս ծրագրերի համար առաջարկվում է հատկացնել 1մլդ 370մլն դրամ։ Ծրագրերին մասնակցելու դիմելիությունը վկայում է այն մասին, որ մեր հայրենակիցներին այդ տեղեկատվությունը հասանելի է»,- իր ելույթում ասաց Աշխատանքի և սոցիալական հարցերի նախարար Նարեկ Մկրտչյանը։