ԵՄ ԱԳ նախարարները կքննարկեն Մերձավոր Արևելքի, Ուկրաինայի և Հայաստանի խնդիրները
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եվրամիության ԱԳ նախարարներն այսօր Լյուքսեմբուրգում կանցկացնեն արտաքին գործերի խորհրդի հերթական նիստը, որի հիմնական թեմաները կլինեն պաղեստինա-իսրայելական հակամարտությունը, ինչպես նաև Ուկրաինայում տիրող իրավիճակը և Հայաստանի ու Ադրբեջանի հակամարտությունը, հայտնում է ՌԻԱ Նովոստին։
«Օրակարգի երեք հիմնական կետերն են՝ Իսրայելը և Գազայի հատվածը, Ուկրաինան, Հայաստանն ու Ադրբեջանը», - Բրյուսելում լրագրողներին ասել է եվրոպական բարձրաստիճան աղբյուրը:
Հայաստանի և Ադրբեջանի միջև կարգավորման առնչությամբ կքննարկվի եվրոպական միջնորդությունը, ինչպես նաև ԵՄ աջակցության ավելացումը և Հայաստանի հետ համագործակցությունը։
Եվրոպացի ներկայացուցչի խոսքով` Մերձավոր Արևելքում հակամարտությունը քննարկելիս նախարարները կանդրադառնան տարածաշրջանում հետագա էսկալացիայի կանխման ուղիներին, մարդասիրական օգնությանը, պատանդների ազատմանը, խաղաղ բնակչության պաշտպանությանը։
Հանդիպման պաշտոնական օրակարգում ասվում է, որ «նախարարները կքննարկեն Իսրայելում և տարածաշրջանում ստեղծված իրավիճակը Իսրայելում ՀԱՄԱՍ-ի սարսափելի և անկանոն ահաբեկչական հարձակումներից և Գազայում տեղի ունեցած իրադարձություններից հետո»:
Գազայում հրադադարի կոչերին միանալու ԵՄ-ի մերժման մասին հարցին ի պատասխան եվրոպացի դիվանագետն ասել է, որ Իսրայելը Պաղեստինի հետ հակամարտությունում և ՀԱՄԱՍ-ի հետ առճակատման ժամանակ ինքնապաշտպանվելու իրավունք ունի և ինքն է որոշում է, թե ինչպես իրացնի այդ իրավունքը։
Աղբյուրը հավելում է, որ նախարարները նախատեսում են նաև լսել եվրոպական դիվանագիտության ղեկավար Ժոզեպ Բորելի զեկույցը Չինաստան կատարած այցի վերաբերյալ և քննարկել Սերբիան և Կոսովոն։
1
2
3
4
5
1
2
3
4
5
2
