Ինչ են ասում Իրանից
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՄԱԿ-ում Իրանի առաքելությունը հերքել է տեղեկություններն այն մասին, որ Թեհրանը մասնակցություն է ունեցել ՀԱՄԱՍ-ի զինյալների կողմից Իսրայելի վրա հարձակման պլանավորմանը:
«Մենք վճռականորեն աջակցում ենք Պաղեստինին, բայց չենք մասնակցում պաղեստինյան պատասխաններին, քանի որ այդ որոշումները կայացնում է բացառապես Պաղեստինը», – ասվում է առաքելության հաղորդագրության մեջ:
The Wall Street Journal-ն ավելի վաղ հայտնել էր, հղում անելով պաղեստինյան ՀԱՄԱՍ խմբավորման և լիբանանյան Հիզբալլա շարժման բարձրաստիճան անդամներին, թե իրանցի պաշտոնյաները, իբր, անցյալ շաբաթ Բեյրութում զինյալների հետ հանդիպման ժամանակ կանաչ լույս են տվել հարձակման համար:
Բեյրութում կայացած հանդիպմանը մասնակցել են Իսլամական հեղափոխության պահապանների կորպուսի սպաներ, պնդում է WSJ-ը, նրանք օգոստոսից ՀԱՄԱՍ-ի հետ աշխատում են գործողության պլանի վրա:
ՄԱԿ-ում Իրանի առաքելությունը հայտարարել է, որ տեղի ունեցածը «ներկայացնում է միանգամայն օրինական պաշտպանություն անօրինական Սիոնիստական ռեժիմի կողմից իրականացված յոթ տասնամյակի օկուպացիայից և նողկալի հանցագործություններից»:
«Նրանք փորձում են արդարացնել իրենց ձախողումը և այն գցել Իրանի հետախուզական հզորության և օպերատիվ պլանավորման վրա», – ավելացրել է գրասենյակը:
1
2
3
4
5
1
3
4
5
1
2
3
