Վերջ տվեք ռազմական էսկալացիային․ Միյատովիչը՝ Ադրբեջանին
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Ես ափսոսում եմ Ղարաբաղի տարածաշրջանի շուրջ վերսկսված ռազմական էսկալացիայի կապակցությամբ, որն ազդում է խաղաղ բնակչության, հատկապես ամենախոցելի խավերի վրա», - այսօր ասել է Եվրոպայի խորհրդի մարդու իրավունքների հանձնակատար Դունյա Միյատովիչը:
«Վերջին տարիների ընթացքում, ինչպես նշված է իմ 2021 թվականի հուշագրում, տեղի բնակչությունը տուժել է տարածաշրջանում զինված ռազմական գործողությունների մարդասիրական և մարդու իրավունքների հետևանքներից:
Անցած դեկտեմբերից, մասնավորապես, նրանք ապրում են մեկուսացման մեջ՝ զգալով հիմնական պարագաների և ծառայությունների սուր պակաս։
Ես խորապես մտահոգված եմ տեսնելով, որ նրանց անվտանգությունը հերթական անգամ վտանգված է, իսկ մարդու իրավունքները ոտնահարվում են՝ խորացնելով նրանց տառապանքը։
Նշում եմ, որ նոր է հայտարարվել հրադադարի մասին։ Շատ կարևոր է, որ տարածաշրջանում ավարտվեն զինված ռազմական գործողությունները՝ խաղաղ բնակչության անվտանգությունն ապահովելու համար։ Կարևոր է կանոնավոր և անարգել մուտքի երաշխավորումը նրանց համար, ովքեր մարդասիրական օգնություն են ցուցաբերում և նրանց, ովքեր ապահովում են մարդու իրավունքների պաշտպանությունը տուժած տեղական բնակչությանը:
Հաշտեցման ճանապարհը պետք է շտապ վերականգնվի, և պետք է վերականգնվի երկխոսությունը՝ հիմնված տուժած բնակչության մարդու իրավունքների լիարժեք հարգման վրա՝ բոլոր մարդկանց համար կայուն խաղաղություն ապահովելու համար:
Ես հաստատում եմ իմ հանձնառությունն ու պատրաստակամությունը՝ ներգրավվելու բոլոր համապատասխան զրուցակիցների հետ և մեկնելու տարածաշրջան՝ օգնելու հաղթահարելու մարդու իրավունքների առկա մարտահրավերները»:
1
2
3
4
5
1
2
3
4
5
2
