«Անկեղծ կասեմ՝ հպարտ եմ, որ մարզում եմ այս տղաներին: Խնդրում եմ չկշտամբեք տղաներին, քաջալերեք նրանց: Նրանք արեցին այն, ինչ կարող էին»:

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանի ազգային հավաքականի գլխավոր մարզիչ Ալեքսանդր Պետրակովը Երևանում Խորվաթիայի հավաքականից կրած նվազագույն հաշվով պարտությունից հետո կիսվել է տպավորություններով.

«Չհերիքեց վարպետությունը: Մրցակիցը մեզ գերազանցեց իրենց վարպետությամբ: Չհասցրինք վերականգնվել, հոգնածութունը իրեն զգացնել տվեց: այսպիսի խաղերի համար գոնե 18 խաղացող պետք է ունենալ: Տղաներին շնորհակալություն հայտնեցի իրենց նվիրվածության համար, հատկապես երկրորդ խաղակեսի համար: Նրանք քայլ առաջ են կատարել: Անկեղծ կասեմ՝ հպարտ եմ, որ մարզում եմ այս տղաներին: Նրանք արեցին այն, ինչ կարող էին: Խնդրում եմ չկշտամբեք տղաներին, քաջալերեք նրանց: Ֆուտբոլիստների մեծ մասը շատ երիտասարդ են . նրանցից ոմանք կարող էին խաղալ երիտասարդական հավաքականում, բայց խաղում են աշխարհի ուժեղագույն թիմերից մեկի դեմ: Նրանք մեծ նվիրումով խաղացին, ինչի համար պետք է շնորհակալություն հայտնենք նրանց:»:

Անդրե Կալիզիրի մասին. Նա մեկ ամիս չէր խաղացել, վնասվածք ուներ, բայց մեծ ցանկությամբ էր միացել թիմին. շատ շնորհակալ եմ իրեն: Շատ դրական հաճելի մարդ է: Շատ լավ խաղ անցկացրեց: Տեսնելով, որ պարտվում ենք իր նախաձեռնությամբ միանում էր գրոհներին ու ուզում էր օգնել թիմին:

Առաջին կեսում տղաներին չէի ճանաչում, երևի հոգնածությունն էր շատ, շատ էին սխալվում, անտեղի սխալներ էին թույլ տալիս, խոտանը շատ էր: Միգուցե՝ նրանք պարզապես շատ ուժեղ էին: Շնորհիվ նվիրվածության մենք փորձում էինք դրական արդյունքի հասնել: Ուժեղացման ճանապարհներ կփնտրենք: Ֆեդերացիան աշխատում է այդ ուղղությամբ:

Արթուր Ավագիմյանի մասին. Շատ լավ եմ ծանոթ այդ խաղացողին: Չեմ կարծում՝ նա ավելի ուժեղ է ,քան իմ ունեցած խաղացողները: Այստեղ շատ մեծ մրցակցություն է հենց այդ դիրքում: Հայաստանում չկան դարպասապահներ, կենտրոնական պաշտպաններ, բոլորը հարձակվողներ ու եզրային կիսապաշտպաններ են: Սկզբի համար նա պետք է գա Հայաստան, ստանա անձնագիր: Նա Ուկրաինայի քաղաքացի է:

Հայկական ֆուտբոլի հեռանկարների մասին. 8-9 ամիս է՝ այստեղ եմ, բավականին ծանոթ եմ հայկական ֆուտբոլին: Կարծում եմ՝ ամեն ինչ գալիս է մանկապատանեկան ֆուտբոլից: Դրանից է պետք սկսել: Խորվաթիայում շատ զարգացած ենթակառուցվածքներ ունեն ու մեծ ներդրումներ են կատարում: Քայլ առ քայլ պետք է մոտենալ այդ մակարդակին: