Ինպես նշել Սիրո տոները, եթե միայնակ եք

Wnews.am-ը գրում է.

Դուք արդեն լսել եք, որ հունվարի երկուսին Ազգային Ժողովն օրենք է ընդունել՝ արգելելով կանանց միայնակ տանից դուրս գալ Սիրո տոներին: Իհարկե չեք լսել, թեկուզ հենց այն պատճառով, որ հունվարի 2-ը մեր ողջ երկրում, այդ թվում ԱԺ-ում, ոչ աշխատանքային օր է:  Եվ, ընդհանրապես, ում մտքով նման հիմարություն կանցներ: Այդ դեպքում ինչու՞ են առանց նշանի մատանիի կամ  էլ անձնագրում ամուսնության կնիքի աղջիկները խուսափում հայտնվել  հասարարակական վայրերում այդ օրերին: Ընդ որում, այդ երևույթը նկատվում է ոչ միայն Հայաստանում, այլ ողջ աշխարհում: Գոյություն ունի «Սուրբվալենտինյան սինդրոմ» արտահայտությունը: Իհարկե մեզ մոտ կա միանգամից երկու Սիրո տոն, բայց դա ոչինչ չի փոխում: Սիրո տոները տոն են բոլորի համար:  Ինչու՞ են շատ աղջիկներ այդ օրերին խուսափում դուրս գալ տանից, կամ ողջ օրն աշխատանքի վայրում շրջում են ականջակալները դրած՝ «չլսելով» երեկոյան ինչ ես անելու հարցը:

Ինչու են տխուր դեմքով տուն գնում, միացնում Բրիջիդ Ջոնսն ու մի բաժակ շոկոլադով դիտում «անհաջողակ» Ջոնսի պատմությունը:  Եթե ձեզ թվում է, որ սրանք ուղղակի հռետորական հարցեր են, սխալվում եք: Արդյունքում փողոցներում լիքը սիրահարված զույգեր են և միայնակ տղամարդիկ: Ի դեպ՝ Սիրո տոներից դժգոհում են նաև միայնակ տղամարդիկ:

Այո, հրաշալի կլիներ, եթ արդեն գտած լինեիք ձեր սիրելիին և միասին նշեիք այդ օրը, միմյանց նվիրելով արջուկներ, բացիկներ, կամ ուղղակի ձեր սերը, բայց եթե ստացվել է այնպես, որ այս տարի դուք միայանակ եք, դա դեռ աշխարհի վերջը չէ: Ոչ ոք ձեզ չի խանգարում լավ ժամանակ անցկացնել նաև այդ օրը:

Վաղ արթնացեք, մարզվեք, գեղեցիկ հագնվեք, գնացեք ընկերների հետ սահադաշտ, զբոսնելու, պարելու, ուր կուզեք: Չի բացառվում, որ հաջորդ տարի, երբ դուք բոլորովին էլ միայնակ չեք լինի Սիրո տոներին,  կարոտեք ձեր ազատությունն ու հաճույքով հիշեք ընկերների հետ անցկացրած Սիրո տոնը: