Ես չունեմ ձեռքեր, որ մարդկանց գրկեմ, բայց դա անում եմ սրտով. Նիկ Վույնիչ.լուսանկարներ

Wnews.am-ը գրում է.

Բոլորս էլ մեր կյանքի ինչ-որ փուլում մեզ դժբախտ կամ անհաջողակ ենք զգում եւ հենց այդ պահերին մոռանում ենք Աստծուն շնորհակալ լինել մեր ունեցածի համար. մենք առողջ ենք, ունենք երկու ոտք , ձեռք, տեսնում ենք, լսում ու կարող ենք  անել ինչ ուզում ենք ։

Նիկ Վույնիչը, ով ի ծնե չունի ոտք ու ձեռք, իրեն լիարժեք երջանիկ  է համարում. երջանկությունը հոգեվիճակ է եւ յուրաքանչյուրն ինքն է ունակ ստեղծել այն։

Wnews.am-ի այս հրապարակումը իսկապես ուժեղ մարդու մասին է, ով ոչ միայն իր ֆիզիկական կարգավիճակով կարողացել է ինքնահաստատվել այս կյանքում, այլ նաեւ միլիոնավոր մարդկանց համար օրինակ է ծառայում։ Ծանոթացեք նրա կյանքի պատմությանն ու գիտակցեք, որ կյանքը հիասքանչ է։

Նիկ Վույնիչի կյանքը նման է լեգենդի. գեղեցիկ, սովորեցնող, սակայն անիրական պատմության։ Մտորեք, առանց ձեռքերի եւ ոտքերի ծնված տղան ողջ աշխարհին հայտնի է որպես մոտիվացնող բանախոս, երջանիկ ամուսին եւ հայր։ Նա շրջագայել է աշխարհով մեկ, ելույթ ունեցել մարզադաշտում, որտեղ ունեցել է 110 հազար ունկնդիր։ Այդպես լինու՞մ է… լինո՛ւմ է, եթե յուրաքանչյուր օր իրականացնեք փոքրիկ սխրագործություն։

Մենք ներկայացնում ենք Նիկ Վույնիչի սխրանքները, որոնց շնորհիվ դուք կժպտաք ու կհասկանաք, որ ամեն ինչ հրաշալի է ։

Ծնունդ.

«Անցյալի ցավից ազատվելու ամենալավ միջոցը այն շնորհակալությամբ փոխարինելն է»

Նիկը ծնվել է 1982թ. դեկտեմբերի 4-ին։ Նրա հայրը ներկա էր  ծննդաբերությանը։

«Բժիշկ, որդիս ձեռքեր չունի՞»,- հարցին ի պատասխան նա լսեց. «Ո՛չ, ձեր որդին չունի ձեռքեր եւ ոտքեր»։

Նիկի ծնողները ոչինչ չգիտեին «Տետրա-Ամելիա» կոչվող ախտանիշի մասին։ Նրանք չգիտեին ինչպես վարվել առանց ձեռքերի եւ ոտքերի որդու հետ։ Մայրը չորս ամիս նրան կրծքով չէր կերակրում։ Աստիճանաբար ծնողները սովորեցին, ընդունեցին եւ սիրեցին որդուն այնպիսին, ինչպիսին կա։

Մանկություն. 

«Անհաջողությունը վարպետության տանող ճանապարհն է»

Ոտք. այսպես է Նիկը անվանում իր մարմնի միակ վերջույթը։ Նա կարծում է, որ իր ոտքը այնքան էլ վատը չէ։ Նա սովորել է դրանով տպել, կառավարել էլեկտրոնային սայլակը։

Նիկը հաճախել է սովորական դպրոց։

Հուսահատություն.

«Երբ ցանկություն ունենաք մոռանալ ձեր երազանքը, ստիպեք ձեզ աշխատել եւս մեկ օր, շաբաթ, ամիս եւ տարի։ Դուք կզարմանաք, թե ինչ տեղի կունենա, եթե չհանձնվեք»։

«Դու ոչինչ չես կարող», «Մենք չենք ցանկանում քեզ հետ ընկերանալ», «Դու ոչ ոք ես». դպրոցում Նիկն այս խոսքերը լսում էր ամեն օր։

Մի շրջան Նիկը կենտրոնացել էր այն բանի վրա, որ երբեք չի կարողանա ամուսնանալ, երեխաներ ունենալ։ Մի օր նա մորը խնդրեց իրեն լոգարան տանել, որտեղ մտադիր էր ինքնասպան լինել։

«Նրանք դրան արժանի չեն». մտածեց տասամյա Նիկը, ով հասկացավ, որ չի կարող իր ծնողների հետ այդպես վարվել, որովհետեւ նրանք իրեն սիրում են։

Ինքնագիտակցություն.

«Մյուսների խոսքերն ու արարքները չեն կարող որոշել ձեր անձը»։

«Ինչ է քեզ հետ եղել». մինչեւ հայտնի դառնալը այս հարցը Նիկը լսում էր ամեն օր։

Առանց ձեռքերի եւ ոտքերի մարդուն տեսնելով, մարդիկ չեն թաքցնում իրենց զարմանքը։ Թարս հայացքներ, մեջքի հետեւում քչփչոցներ, ծաղրանք…Նիկն այս ամենին ժպիտով է արձագանքում. «Ամենը ծխախոտի պատճառով է»,- կատակում է նա։

Հումոր.

«Որքան հնարավոր է շատ ծիծաղեք։ Յուրաքանչյուր մարդու կյանքում էլ լինում են օրեր, երբ անհաջողությունները թափվում են։ Մի’ անիծեք փորձությունները։ Շնորհակալություն հայտնեք կյանքին, որ ձեզ հնարավորություն է տալիս սովորել ու զարգանալ։ Հումորի զգացումը կօգնի այդ հարցում»։

Նիկը հումորի մեծ զգացում ունի։ Չկան ոտքեր եւ ձեռքեր. կյանքը «խաղացել» է իր հետ, ինչու՞ չծիծաղել կյանքի վրա…

Տաղանդ.

«Եթե դուք խորապես դժբախտ եք, ուրեմն չեք ապրում ձեր կյանքով։ Ձեր տաղանդն օգտագործվում է առանց նշանակման»։

Նիկն ունի երկու բարձրագույն կրթություն։ Նա հաջողակ մոտիվացնող խոսնակ եւ բիզնեսմեն է։ Նրա գլխավոր տաղանդը համոզել կարողանալն է, որը անում է նաեւ արվեստի միջոցով։

Նիկի առաջին գիրքը կոչվում է «Կյանքն առանց սահմանափակումների. ներշնչանք աբսուրդային լավ կյանքի համար»։ Այն թարգմանվել է  30  լեզվով։  2009-ին Նիկը նկարահանվել է կարճամետրաժ «Թիթեռների կրկեսը» ֆիլմում, որը պատմում է կյանքի իմաստ ձեռք բերելու մասին։

Սպորտ.

«Անհնար է վիճել, որ խենթությունը հանճար է. յուրաքանչյուրը, ով պատրաստ է ռիսկի դիմել, հանրության աչքերում երեւում է կամ որպես խենթ, կամ որպես հանճար»։

«Խենթ է». մտածում են շատերը՝ տեսնելով, թե ինչպես է Նիկը սերֆինգով զբաղվելու ժամանակ ալիք փնտրում կամ թռնում օդապարիկից։

«Ես հասկացա, որ ֆիզիկական յուրահատկությունը սահմանափակում է իրեն այնքանով, որքանով ինքս եմ ինձ սահմանափակում»,- խոստովանում է Վոյնիչը։

Նա ֆուտբոլ ու թենիս է խաղում, հոյակապ լողում է։

Մոտիվացիա.

«Աշխարհի հանդեպ վերաբերմունքը համարեք կառավարման վահանակ։ Եթե ծրագիրը, որը դիտում եք, ձեզ դուր չի գալիս, պարզապես վերցրեք վահանակն ու փոխեք հեռուստացույցը այլ ալիքի վրա։  Նույն կերպ վարվեք նաեւ կյանքի հանդեպ. երբ դժգոհ եք արդյունքից, փոխեք մոտեցումը անկախ նրանից, թե ինչ խնդրի հետ եք բախվել»։

19 տարեկանում Նիկին առաջարկեցին ելույթ ունենալ համալսարանի ուսանողների առջեւ, որտեղ նա սովորում էր։ Նա համաձայնեց. պարզապես դուրս եկավ ու սկսեց պատմել իր մասին։ Շատերը լաց եղան, իսկ մի աղջիկ էլ բարձրացավ ու գրկեց նրան։

Երիտասարդը հասկացավ, որ հռետորաբանությունն իր առաքելությունն է։

Նիկը եղել է ավելի քան հիսուն երկրներում, հանդիպել մի շարք երկրների նախագահների հետ, ելույթ ունեցալ հազարավոր հանդիսատեսի առջեւ։

Նա հասկանում է, որ տառապանքը չպետք է համեմատել. յուրաքանչյուրն իր ցավն ունի եւ չի փորձում մարդկանց հուսադրել «իմ համեմատ ձեր կյանքում այնքան էլ ամեն բան վատ չէ» արտահայտությամբ։ Նա պարզապես խոսում է մարդկանց հետ։

Գրկախառնում.

«Ես չունեմ ձեռքեր եւ երբ փաթաթվում ես, միանգամից սեղմվում ես մարդկանց սրտերին։ Սա հիանալի է»։

Նիկը խոստովանում է, որ միակ բանը, ինչի կարիքն ունի, ձեռքսեղմումն է, սակայն նա գտել է ելքը. նա մարդկանց գրկում է սրտով։  Մի օր Նիկն անգամ գրկախառնության մարաթոն է կազմակերպել, որում մեկ օրվա ընթացքում մասնակցած  1749  մարդիկ գրկախառնվում էին սրտով։

Սեր.

«Եթե դուք բաց եք սիրո համար, այն կգա։ Եթե ձեր սիրտը շրջապատեք պատով, սեր չի լինի»։

Նիկն իր կնոջ հետ ծանոթացել է  2010թ. ապրիլին։ Սա իսկական, խորը սեր է։

2012թ. փետրվարին նրանք Հավայան կղզիներում ամուսնացան։

Ընտանիք.

«Անհնար է լիարժեք կյանք ունենալ, եթե ձեր յուրաքանչյուր որոշումը պայմանավորված է վախով։ Վախը թույլ չի տա առաջ ընթանալ եւ խանգարում է դառնալ նա, ով ցանկանում եք։ Սա ընդամենը տրամադրություն է, զգացմունք… Վախն իրական չէ»։

Նիկի ախտորոշումը ժառանգական է, սակայն նա չվախեցավ։

2013-ին Կանայեն Նիկին որդի պարգեւեց,, իսկ նախորդ տարվա օգոստոսին ծնվեց նրանց երկրորդ որդին. նրանք երկուսն էլ առողջ են։

Հույս.

«Կյանքում ամեն բան սկսում է հենց հույսից»,- ասում է Նիկը։