«Լուծումը իշխանությունների հեռացումն է». «Ապրելու երկիրը» միացավ «Հայաքվեի» ստորագրահավաքին
«Ապրելու երկիր» կուսակցությունը՝ նախագահ Մանե Թանդիլյանի գլխավորությամբ, այսօր՝ հուլիսի 28-ին, այցելել է Կենտրոնի թաղապետարան՝ «Հայաքվե» նախաձեռնությանը միանալու:
Թանդիլյանը հետ միասին եկել էր նաեւ «Ապրելու երկիր» կուսակցության համահիմնադիր Մեսրոպ Առաքելյանը:
«Հայաքվեի» ստորագրահավաքին միանալուց հետո Մանե Թանդրլյանը լրագրողների հետ զրույցում նշեց. «Մենք տասնյակ հազարավոր մեր հայրենակիցների յուրաքանչյուր քաղաքացիական նախաձեռնությանը, որը միտված է Արցախի համար իրենց անհամաձայնությունը ցույց տալուն, մենք այնտեղ ենք: Արցախը մեզ համար կարմիր գիծ է եղել, մենք դրա մասին հայտարարել ենք, եւ պատրաստ ենք յուրաքանչյուր նխաձեռնությանը միանալու, որը պետք է արտահայտի մարդկանց անհամաձայնությունը:
Մենք համոզված ենք, որ Արցախի հարցի լուծման գլխավոր գործոնը այսօրվա իշխանությունների դադարեցումն է որպես իշխանություն: Դրա ուղղությամբ տեղի են ունենում ընտրություններ, որին մենք մասնակցում ենք, եւ այդ միջոցով իշխանափոխություն ենք իրականացնելու: Մենք վստահ ենք, որ ժողովուրդը կարող է ընտրությունների միջոցով կատարել իշխանափոխություն»:
1
2
3
4
5
1
2
3
4
5
3
